باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى تاعايىندالدى

نۇر-سۇلتان. قازاقپارات - مەملەكەت باسشىسىنىڭ جارلىعىمەن مارات تالعات ۇلى وماروۆ قازاقستان رەسپۋبليكاسىنىڭ باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى بولىپ تاعايىندالدى.

ول بۇرىنعى اتقارعان لاۋازىمىنان بوساتىلدى. بۇل تۋرالى قازاقپارات اقورداعا سىلتەمە جاساپ حابارلايدى.

مارات وماروۆ بۇعان دەيىن قازاقستان رەسپۋبليكاسى باسەكەلەستىكتى قورعاۋ جانە دامىتۋ اگەنتتىگى ءتوراعاسىنىڭ ورىنباسارى قىزمەتىن اتقارعان.

ول 1988-جىلى تۋعان.

2010-جىلى «بولاشاق» باعدارلاماسى بويىنشا بريتاندىق يورك ۋنيۆەرسيتەتىن «فيلوسوفيا، ساياساتتانۋ، ەكونوميكا» ماماندىعى بويىنشا، 2011-جىلى الەۋمەتتىك عىلىمدار ماگيسترى دارەجەسى بەرىلە وتىرىپ، لوندون ەكونوميكا جانە ساياسي عىلىمدار مەكتەبىن (LSE) ءبىتىردى.

2012-2014-جىلدارى - ەكونوميكالىق دامۋ جانە ساۋدا، كەيىننەن - ەكونوميكا جانە بيۋجەتتىك جوسپارلاۋ، ۇلتتىق ەكونوميكا ءمينيسترىنىڭ كەڭەسشىسى.

2014-2016-جىلدارى – ق ر ۇلتتىق ەكونوميكا مينيسترلىگىنىڭ تاريفتىك جانە ينستيتۋتسيونالدىق ساياساتتى قالىپتاستىرۋ دەپارتامەنتى ديرەكتورىنىڭ ورىنباسارى.

2016-2017-جىلدارى - «قازاق تەلەكوم» ا ق- نىڭ باسقارۋشى ديرەكتورى.

2017-2019-جىلدارى - «تەحنولوگيالىق دامۋ جونىندەگى ۇلتتىق اگەنتتىك» ا ق باسقارما ءتوراعاسى، ترانسفورماتسيادان كەيىن - «QazTech Ventures» ا ق باسقارما ءتوراعاسى («بايتەرەك «ۇ ب ح» ا ق قۇرىلىمىنا كىرەدى).

2019-جىلدان باستاپ 2020-جىلعى قازانعا دەيىن - «بايتەرەك «ۇ ب ح» ا ق باسقارۋشى ديرەكتورى - باسقارما مۇشەسى. «قازاقستاننىڭ تۇرعىن ءۇي قۇرىلىس جيناق بانكى» ا ق، «قازىنا كاپيتال مەنەدجمەنت» ا ق، «قازاقستاننىڭ دامۋ بانكى» ا ق ديرەكتورلار كەڭەسىنىڭ مۇشەسى.

2020-جىلعى 21 - قازاندا ق ر باسەكەلەستىكتى قورعاۋ جانە دامىتۋ اگەنتتىگى ءتوراعاسىنىڭ ورىنباسارى ورىنباسارى لاۋازىمىنا تاعايىندالدى.

ەسكە سالساق، اگەنتتىكتىڭ بۇرىنعى باسشىسى كەشە سەرىك جۇمانعارين ق ر پرەمەر-ءمينيسترىنىڭ ورىنباسارى - ساۋدا جانە ينتەگراتسيا ءمينيسترىنىڭ مىندەتتەرىن اتقارۋشى بولىپ تاعايىندالعان بولاتىن.