ق ر پرەزيدەنتى حالىقارالىق شاحمات فەستيۆالىنە قاتىسۋشىلارعا قۇتتىقتاۋ جولدادى
16 تامىز 21:10

ق ر پرەزيدەنتى حالىقارالىق شاحمات فەستيۆالىنە قاتىسۋشىلارعا قۇتتىقتاۋ جولدادى

اتىراۋ. قازاقپارات - اتىراۋدا حالىقارالىق شاحمات فەستيۆالى باستالدى. وسىعان وراي قازاقستان پرەزيدەنتى قاسىم-جومارت توقايەۆ تۋرنير ۇيىمداستىرۋشىلارى مەن قاتىسۋشىلارىنا قۇتتىقتاۋ جولدادى، دەپ حابارلايدى. قازاقپارات.

«دوستار، ءبىزدىڭ كوماندا اتىراۋدا 16-24- تامىز ارالىعىندا ءوتىپ جاتقان « A tyrau Chess Festival - 2022» فەستيۆالىنىڭ ۇيىمداستىرىلۋىنا بايلانىستى مەملەكەت باسشىسىنان قۇتتىقتاۋ حات الدى. پرەزيدەنت قاسىم-جومارت توقايەۆ حاتىندا تۋرنير ۇيىمداستىرۋشىلارى مەن قاتىسۋشىلارىن قۇتتىقتادى. بۇل مەن ءۇشىن شىنىمەن ۇلكەن مارتەبە!

ءبىزدىڭ شارا - قازاقستاننىڭ وسى وڭىرىندە وتكىزىلىپ جاتقان ءبىرىنشى حالىقارالىق شاحمات تۋرنيرى. فەستيۆال ۇيىمداستىرۋشىسى رەتىندە ەلىمىز پرەزيدەنتىنە بىلدىرگەن سەنىمى ءۇشىن ەرەكشە العىسىمدى جەتكىزەمىن»، - دەپ جازدى حالىقارالىق گروسسمەيستەر، ازيا جانە الەم چەمپيونى دينارا ءسادۋاقاسوۆا Facebook-پاراقشاسىندا.

بۇگىن، 16- تامىزدا اتىراۋدا فەستيۆالدىڭ رەسمي اشىلۋى ءوتتى. جارىسقا 300 گە جۋىق شاحمات اۋەسقويى قاتىسىپ جاتىر. ونىڭ ىشىندە قازاقستانمەن قوسا، ا ق ش، نيدەرلاند، ليتۆا، ۋكراينا، تاجىكستان، وزبەكستان، بەلارۋس جانە رەسەي مەملەكەتتەرىنىڭ ويىنشىلارى بار.

ءارقايسىسىنىڭ ناتيجەسى ايگىلى شۆەيتساريالىق جۇيەمەن باعالاناتىن ءۇش نەگىزگى تۋرنير وتەدى. فەستيۆالدىڭ رەسمي سايتىندا تىركەلۋ ارقىلى ويىندى ونلاين رەجيمدە كورۋگە بولادى. شەبەرلىك ساباقتار مەن ءبىر مەزگىلدە وتەتىن ويىن سەانستارى ۇيىمداستىرىلادى. بۇدان بولەك، فەستيۆال اياسىندا تورەشىلەر ەمتيحان تاپسىرىپ، FIDE تورەشىسى اتاعىن الا الاتىن حالىقارالىق اربيترلەردىڭ العاشقى سەمينارى بولادى.

«بۇل فەستيۆالدى قازاقستاندا شاحماتتى سپورت ءتۇرى رەتىندە تانىمال ەتۋ جانە دامىتۋ، سالاۋاتتى ءومىر سالتىن ناسيحاتتاۋ، سونداي-اق جاس سپورتشىلاردىڭ شەبەرلىگىن ارتتىرۋ مەن جاس تالانتتاردى ىزدەۋ ماقساتىمەن وتكىزىپ وتىرمىز. فەستيۆالدىڭ جۇلدە قورى 13 ميلليون تەڭگەدەن اسادى. سونىمەن قاتار، قازاقستان-بريتان تەحنيكالىق ۋنيۆەرسيتەتى (ق ب ت ۋ) باكالاۆريات پەن ماگيستراتۋرادا وقۋعا گرانت بولەدى. گرانت يەگەرلەرىنىڭ ەسىمى تۋرنيردىڭ جابىلۋ سالتاناتىنىندا جاريالانادى»، - دەيدى دينارا ءسادۋاقاسوۆا.

حالىقارالىق شاحمات فەستيۆالى 24- تامىزعا دەيىن جالعاسادى.

جاڭالىقتار