قاڭتار وقيعاسى: قىلمىسكەرلەر الماتى اكىمدىگىندە پودپولكوۆنيكتى ءولتىرىپ، ءمايىتىن ورتەگەن

None
None
نۇر-سۇلتان. قازاقپارات - قاڭتار وقيعاسى كەزىندە الماتى قالاسى اكىمدىگىن كۇزەتكەن پودپولكوۆنيكتى قىلمىسكەرلەر ءولتىرىپ، ءمايىتىن ورتەپ جىبەرگەن.

بۇل تۋرالى ق ر باس پروكۋراتۋراسى 1-قىزمەت باستىعىنىڭ ورىنباسارى ەلدوس قيلىمجانوۆ ايتتى، دەپ حابارلايدى قازاقپارات ءتىلشىسى.

«قۇقىق قورعاۋ ورگاندارىنىڭ قىزمەتكەرلەرى ءوز بورىشىن اتقارىپ، جاپپاي ۇرىپ-سوعۋ، كولىك قۇرالدارىمەن باسىپ ءوتۋ سالدارىنان جانە وزدەرى قارۋسىز بولا تۇرا وق تيۋدەن قازا بولدى. ماسەلەن، الماتى قالاسى اكىمدىگىنىڭ عيماراتىن كۇزەتۋگە قاتىسقان، قارۋسىز اسكەري قىزمەتشى، پودپولكوۆنيك حايروۆتىڭ ءولىمى كەزىندە ەرەكشە قاتىگەزدىك ورىن تاپتى. ونىڭ ءمايىتى عيماراتتىڭ شاتىرىنان تابىلدى. زورلىق-زومبىلىقپەن ولتىرۋدەن كەيىن، قىلمىسكەرلەر ايعاقتاردى جاسىرۋ ءۇشىن دەنەسىن ورتەپ جىبەرگەن. 39 جاستاعى وفيتسەردىڭ وتباسى مەن كامەلەتكە تولماعان ەكى بالاسى قالدى»، - دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا.

ونىڭ دەرەگىنشە، الماتى، قىزىلوردا، تاراز، شىمكەنت جانە اتىراۋ قالالارىندا اكىمدىك، پوليتسيا، پرەزيدەنت رەزيدەنتسياسى، تەلەمۇنارا عيماراتتارىنا، دۇكەندەر مەن وزگە دە نىساندارعا قارۋلى شابۋىل جاساۋ كەزىندە 92 ادام قازا تاپتى.

«قوعامدىق قاۋىپسىزدىكتى، قۇقىقتىق ءتارتىپتى قامتاماسىز ەتۋدى بۇعاتتاۋ ماقساتىندا جانە جاۋىنگەرلىك قارۋدى ۇرلاۋعا ۇمتىلا وتىرىپ، ولار پوليتسيا ورگاندارى مەن ۇلتتىق قاۋىپسىزدىك كوميتەتىنىڭ عيماراتتارىنا ۇيىمداسقان جانە جاقسى جوسپارلانعان شابۋىلدار جاسادى. ولار ءوز ءىس- ارەكەتتەرىن توقتاتپاي، مەملەكەتتىك جانە جەكە مۇلىكتەردى جويىپ، قۇقىق قورعاۋ قىزمەتكەرلەرىن دە، قاراپايىم ازاماتتاردى دا ولتىرۋمەن قورقىتتى»، - دەدى باس پروكۋراتۋرا وكىلى.

سوڭعى جاڭالىقتار