قانشا كۇدىكتى قاماۋدا وتىر - قاڭتار وقيعاسى
16 تامىز 20:13

قانشا كۇدىكتى قاماۋدا وتىر - قاڭتار وقيعاسى

نۇر-سۇلتان. قازاقپارات - قاڭتار وقيعاسىنا قاتىستى 292 كۇدىكتى قاماۋدا وتىر.

بۇل تۋرالى ق ر باس پروكۋراتۋراسى 1-قىزمەت باستىعىنىڭ ورىنباسارى ەلدوس قيلىمجانوۆ ايتتى، دەپ حابارلايدى قازاقپارات ءتىلشىسى.

«قازىرگى ۋاقىتتا 292 كۇدىكتى ادام قاماۋدا وتىر. ولاردىڭ قيراتۋلارعا، عيماراتتاردى ورتەۋدە، قارۋلاردى جىمقىرۋدا، مەملەكەتتىك وبەكتىلەرگە جانە قۇقىق قورعاۋ ورگاندارى قىزمەتكەرلەرىنە قارۋلى شابۋىل جاساۋدا جانە باسقا دا قىلمىستارعا بەلسەندى تۇردە قاتىسقاندىعى تۋرالى تەرگەۋدە جەتكىلىكتى مالىمەتتەر بار. ولاردىڭ بارلىعىنا قورعالۋ قۇقىعى، سانيتارلىق نورمالار، تاماقتانۋ، ءدارى-دارمەكتەر جانە ۇستاۋدىڭ ءتيىستى جاعدايلارى قامتاماسىز ەتىلۋدە»، - دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا.

جاڭالىقتار