ماڭعىستاۋدا بيتۋم تيەگەن جۇك كولىگى باسىپ كەتكەن دجيپتىڭ جۇرگىزۋشىسى امان قالدى - ۆيدەو

اقتاۋ. قازاقپارات - اقتاۋ- جاڭاوزەن رەسپۋبليكالىق تاس جولىندا بيتۋم تيەلگەن جۇك كولىگى سايعا ءتۇسىپ كەتتى. جۇك كولىگى ودان قارسى كەلە جاتقان كولىكتى قاعىپ كەتكەن، دەپ حابارلايدى قازاقپارات ءتىلشىسى.

وقيعا 14-تامىز كۇنى ساعات 17:00 شاماسىندا بولعان. جول اپاتىنىڭ ۆيدەوسى بۇگىن الەۋمەتتىك جەلىلەردە تارادى. وندا جۇك كولىگى جولدىڭ قارسى باعىتىندا كەلە جاتقان دجيپتى شەتكە قاراي قاعىپ، ۇستىنەن وتە شىققانى ءتۇسىپ قالعان. الايدا جەڭىل كولىك جۇرگىزۋشىسى امان قالعان. بۇل اقپاراتتى پوليتسيا دەپارتامەنتى راستادى.

«جۇك كولىكتىڭ جۇرگىزۋشىسى رۋلگە يە بولا الماي، تەمىر قورشاۋعا سوعىلادى. سودان سوڭ سايعا ءتۇسىپ كەتىپ، Toyota Land Cruiser Prado اۆتوكولىگىمەن قاقتىعىسقان»، - دەدى وبلىستىق پوليتسيا باسقارماسىنىڭ باسپا ءسوز قىزمەتىنەن.

جۇك كولىگىنىڭ جۇرگىزۋشىسىنە قاتىستى ءتيىستى حاتتاما تولتىرىلدى.