قازگيدرومەت الداعى كۇز ايلارىندا اۋا رايى بولجامىن جاريالادى

نۇر-سۇلتان. قازاقپارات - قازگيدرومەت كۇزگە ارنالعان اۋا رايى بولجامىن جاريالادى، دەپ حابارلايدى قازاقپارات.

كۇزدە جاڭبىرلى، ەكپىندى جەلمەن قاتار، جىلى شۋاقتى كۇندەر كۇتىلەدى.

كۇزگە ارنالعان كونسۋلتاتيۆتىك ماۋسىمدىق اۋا رايى بولجامىنا سايكەس، كۇزدىڭ العاشقى ەكى ايىندا رەسپۋبليكانىڭ باسىم بولىگىندە اۋا تەمپەراتۋراسى، 1-2°- قا نورمادان جوعارى بولادى دەپ بولجانۋدا. قاراشا ايى، رەسپۋبليكانىڭ باسىم بولىگىندە جىلى، ال باتىس قازاقستان، اتىراۋ، سولتۇستىك قازاقستان، اقتوبە، قوستاناي وبلىستارىنىڭ سولتۇستىك- باتىسىندا، پاۆلودار وبلىسىنىڭ سولتۇستىك جارتىسىندا - نورما شەگىندە جىلى بولماق.

قىركۇيەك جانە قازان ايلارىندا جاۋىن- شاشىن مولشەرى قازاقستاننىڭ باسىم بولىگىندە نورمادان از بولادى، ياعني كوبىنەسە قۇرعاق بولادى. قاراشا ايىندا ەلدىڭ كوپتەگەن وبلىستارىندا جاۋىن- شاشىن - كليماتتىق نورماعا جاقىن بولادى.