قازاقستاندا ەلەكتر ەنەرگيا تاپشىلىعى بولۋى مۇمكىن
16 تامىز 16:30

قازاقستاندا ەلەكتر ەنەرگيا تاپشىلىعى بولۋى مۇمكىن

نۇر-سۇلتان. قازاقپارات - ق ر ەنەرگەتيكا ۆيتسە- ءمينيسترى جاندوس نۇرماعانبەتوۆ قازاقستاندا ەلەكتر ەنەرگيا تاپشىلىعى بولۋى مۇمكىن ەكەنىن ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، KEGOC كومپانياسىنىڭ باعالاۋى بويىنشا 2022-2023 -جىلدارداعى جىلۋ بەرۋ ماۋسىمىندا ەلەكتر ەنەرگياسىنىڭ تاپشىلىعى 1-1,5 ميلليارد ك ۆ ت ساع بولماق.

مۇنداي جاعداي جىلۋ بەرۋ ماۋسىمىندا ۋاعدالاستىق بويىنشا قىرعىزستانعا ەلەكتر ەنەرگياسىن بەرگەن كەزدە بولۋى مۇمكىن. اتالعان كەلىسىم اياسىندا قىرعىزستان جاعى ەلىمىزدىڭ وڭتۇستىك وڭىرلەرىنە سۋدى ءتيىستى كولەمدە جىبەرەدى.

«الداعى قىس كەزىندە دە ەلەكتر ەنەرگياسىن بەرۋ ەسكەرىلگەن. تاپشىلىق بويىنشا KEGOC ەسەپتەپ شىعارعان مالىمەتكە قاراعاندا، قىرعىزستانعا ەنەرگيا جەتكىزۋ ساقتالسا، وندا ءتيىستى تاپشىلىق كولەمىن وتەۋ كەرەك. بۇل تۇرعىدا قىس كەزىندە ەلىمىزدىڭ ستانتسيالارىنىڭ تەحنيكالىق جاعدايى ماڭىزدى بولىپ تۇر. اتاپ ايتقاندا، ەل اۋماعىن ەنەرگيامەن قامتاماسىز ەتۋ مينيسترلىك پەن جۇيەلىك وپەراتوردىڭ مىندەتى. بارلىعى ەلەكتر ەنەرگياسىمەن تولىق كولەمدە قامتاماسىز ەتىلەتىن بولادى»، - دەدى ۆيتسە-مينيستر.


جاڭالىقتار