ۇكىمەت باسشىسى جاڭا وقۋ جىلىندا بالالاردىڭ قاۋىپسىزدىگىنە باسا كوڭىل ءبولۋدى تاپسىردى
16 تامىز 16:02

ۇكىمەت باسشىسى جاڭا وقۋ جىلىندا بالالاردىڭ قاۋىپسىزدىگىنە باسا كوڭىل ءبولۋدى تاپسىردى

نۇر-سۇلتان. قازاقپارات - ۇكىمەت وتىرىسىندا پرەمەر- مينيستر ءاليحان سمايىلوۆ جاڭا وقۋ جىلىندا بالالاردىڭ قاۋپىسىزدىگىنە باسا كوڭىل ءبولۋدى تاپسىردى، دەپ حابارلايدى قازاقپارات ءتىلشىسى.

«ىشكى ىستەر ءمينيسترىنىڭ بايانداماسىنان كورىپ وتىرعانىمىزداي، قازىرگى تاڭدا ءبىلىم بەرۋ وبەكتىلەرىنىڭ ءبارى بىردەي قاۋىپسىزدىك تالاپتارىنا ساي ەمەس. بۇل ماسەلەنى ەرەكشە باقىلاۋعا الىپ، بالالاردىڭ قاۋىپسىزدىگى ءۇشىن تەز ارادا ءتيىستى شارالاردى قابىلداۋ قاجەت»، - دەدى پرەمەر- مينيستر.

سونىمەن قاتار، ول وقۋشىلار تاسىمالداۋعا 515 جاڭا اۆتوبۋس ساتىپ الىناتىنىن ەسكە سالدى.

«بيىل مەكتەپكە قاجەتتى كيىم-كەشەك پەن كەڭسە تاۋارلارىن وزدەرى ساتىپ الۋ ءۇشىن از قامتىلعان وتباسىلار كەمىندە 37 مىڭ تەڭگە كولەمىندە اقشالاي قاراجات الادى. مۇنداي كومەك 470 مىڭنان استام بالاعا كورسەتىلەدى»، - دەدىاليحان سمايىلوۆ.


جاڭالىقتار