جۇمىسسىزدار اراسىندا قىلمىس ءورشىپ تۇر

None
نۇر-سۇلتان. قازاقپارات - 2022 -جىلدىڭ 6 ايىندا 16 مىڭعا جۋىق ادام قىلمىستىق جاۋاپكەرشىلىككە تارتىلدى.

بۇل جايىندا ۇلتتىق ستاتيستيكا بيۋروسىنان ءمالىم ەتتى، دەپ حابارلايدى قازاقپارات ءتىلشىسى.

ۆەدومستۆو مالىمەتىنشە، وسى جىلدىڭ ءبىرىنشى جارتىجىلدىعىندا تەرگەلگەن قىلمىستىق قۇقىق بۇزۋشىلىقتاردان جالپى رەسپۋبليكا بويىنشا ماتەريالدىق زالالدىڭ بەلگىلەنگەن سوماسى - 194257,8 ميلليون تەڭگە. ونىڭ ىشىندە 14,3 پايىزى - ەكونوميكالىق قىزمەت سالاسىنداعى قىلمىستار، 67,2 پايىزى - مەنشىككە قارسى قىلمىستىق زاڭ بۇزۋشىلىقتار.

«رەسپۋبليكانىڭ قۇقىق قورعاۋ ورگاندارى قىلمىستىق قۇقىق بۇزۋشىلىقتار جاساعان 30949 ادامدى (2021 -جىلعى ءتيىستى كەزەڭگە قاراعاندا 2,4 پايىز از) انىقتادى. قىلمىستىق جاۋاپكەرشىلىككە 15 856 ادام تارتىلدى. بۇل - 2021 -جىلعى ءتيىستى كەزەڭگە قاراعاندا %7,7 از. قىلمىستىق قۇقىق بۇزۋشىلىقتار جاساعانى انىقتالعان ادامدار سانىنىڭ 12,8 پايىزىن - ايەلدەر (2021 -جىلعى ءتيىستى كەزەڭدە - %13,4)، 2,3 پايىزىن - كامەلەتكە تولماعاندار (%2,1)، 1,7 پايىزىن - مەملەكەتتىك فۋنكسيالاردى اتقارۋشىلار (%1,8) قۇرادى. بۇرىن قىلمىستىق قۇقىق بۇزۋشىلىق جاساعان ادامداردىڭ ۇلەس سالماعى - 29,4 پايىز (%35,7) بولدى»، - دەپ اتاپ وتەدى بيۋرودان.

قازاقستان بويىنشا ورتاشا العاندا قىلمىستىق قۇقىق بۇزۋشىلىق جاساعان ءاربىر جەتىنشى ادام ماس كۇيىندە بولعان. ءاربىر سەگىزىنشى ادام قىلمىستى توپ قۇرامىندا جاساعان. قىلمىستىق قۇقىق بۇزۋشىلىق جاساعانى انىقتالعانداردىڭ ەڭ كوپ بولىگى جۇمىسسىزدار - 79 پايىز (2021 -جىلعى قاڭتار- ماۋسىمدا - %79,7).

سوڭعى جاڭالىقتار