قازاقستاندىقتاردىڭ تابىسى ازايىپ بارادى

None
None
نۇر-سۇلتان. قازاقپارات - قازاقستاندىقتاردىڭ ناقتى اقشالاي تابىسى 2 پايىزعا تومەندەدى.

بۇل جايىندا ۇلتتىق ستاتيستيكا بيۋروسىنان ءمالىم ەتتى، دەپ حابارلايدى قازاقپارات ءتىلشىسى.

«2022 -جىلعى ماۋسىمدا حالىقتىڭ ورتا ەسەپپەن جان باسىنا شاققانداعى اتاۋلى اقشالاي تابىسى باعالاۋ بويىنشا 145592 (الدىن الا دەرەكتەر) تەڭگە بولدى. بۇل - 2021 -جىلعى ماۋسىمعا قاراعاندا 12,2 پايىزعا جوعارى. ناقتى اقشالاي تابىس كورسەتىلگەن كەزەڭدە 2 پايىزعا تومەندەدى»، - دەپ اتاپ وتەدى بيۋرودان.

ۆەدومستۆو مالىمەتىنشە، 2022 -جىلعى شىلدەدە جۇمىسسىزدار سانى باعالاۋ بويىنشا 450,1 مىڭ ادام بولدى. جۇمىسسىزدىق دەڭگەيى جۇمىس كۇشى سانىنىڭ 4,8 پايىزىن قۇرادى. جۇمىسپەن قامتۋ ورگاندارىندا جۇمىسسىزدار رەتىندە تىركەلگەن ادامدار سانى 2022 -جىلعى شىلدەنىڭ سوڭىنا 229,1 مىڭ ادامعا نەمەسە جۇمىس كۇشىنىڭ 2,5 پايىزىنا جەتتى. ال، 2022 -جىلعى شىلدەدە ءبىر قىزمەتكەردىڭ ورتاشا ايلىق اتاۋلى جالاقىسى باعالاۋ بويىنشا 312124 تەڭگە بولدى.

سوڭعى جاڭالىقتار