ەكونوميكا ءمينيسترى ازىق- تۇلىكتى قىمباتتاتپاۋ شارالارىن ۇسىندى
ءمينيستردىڭ ايتۋىنشا، بۇل سالاداعى ءوندىرىستىڭ ارتۋى 16 وڭىردە تىركەلدى. اسىرەسە، ەڭ جوعارعى ءوسۋ ماڭعىستاۋ، سولتۇستىك قازاقستان، جامبىل وبلىستارىندا بايقالسا، قوستاناي وبلىسىندا تومەندەۋ بار.
«7 ەكونوميكالىق كورسەتكىش بويىنشا وڭىرلەر اراسىندا جالپى جاعداي مىناداي: بارلىق كورسەتكىشتەر بويىنشا وڭ ءوسۋ 3 وڭىردە - شىمكەنت قالاسى، قاراعاندى جانە سولتۇستىك قازاقستان وبلىستارىندا. 6 كورسەتكىش بويىنشا ءوسىم 8 وڭىردە، ولار - الماتى جانە نۇر-سۇلتان قالالارى، الماتى، قىزىلوردا، شىعىس قازاقستان، پاۆلودار، اقمولا جانە اقتوبە وبلىستارى»، - دەدى ءا. قۋانتىروۆ ۇكىمەتتىڭ بۇگىنگى وتىرىسىندا.
سونىمەن بىرگە، مينيستر ورتالىق جانە جەرگىلىكتى اتقارۋشى ورگاندارعا كەلەسى شارالارعا كوڭىل ءبولۋدى ۇسىندى.
«ازىق- تۇلىكتى قولجەتىمدى ەتۋ مەن الەۋمەتتىك ماڭىزى بار ازىق- تۇلىك باعالارىنىڭ شامادان تىس ءوسۋىن بولدىرماۋ بويىنشا جۇيەلى جۇمىس جۇرگىزۋ كەرەك. شيكىزاتتىق ەمەس سەكتور ينۆەستورلارى ءۇشىن بارلىق قاجەتتى باسىمدىقتاردى بەرىپ، ينۆەستيتسيالاردى قولداۋعا كەشەندى قاراۋ كەرەك. قولدا بار رەسۋرستار مەن قۇرالداردى ءتيىمدى پايدالانىپ، ەگىس ونىمدەرىن ۋاقتىلى جيناۋدى قامتاماسىز ەتكەن ءجون. جاڭا ساۋدا نارىقتارىن ىزدەپ، قازاقستاندىق ەكسپورتتىڭ ۇزدىكسىز جەتكىزىلۋىنە قولداۋ كورسەتىپ، بيزنەسپەن ساپالى ءوزارا ءىس- قيمىل جاساپ، مەملەكەتتىك قولداۋ قۇرالدارىن ۇسىنۋ قاجەت. بۇل شارالاردى تولىق ىسكە اسىرۋ ەل ەكونوميكاسىنىڭ ءوسۋىن جەدەلدەتۋگە مۇمكىندىك بەرەدى»، - دەدى الىبەك قۋانتىروۆ.
ايتا كەتەيىك، ۇكىمەتتە قازاقستاننىڭ قاڭتار- شىلدە ايلارىنداعى الەۋمەتتىك- ەكونوميكالىق دامۋ قورىتىندىسى قارالىپ جاتىر. ق ر ۇلتتىق ەكونوميكا ءمينيسترى الىبەك قۋانتىروۆتىڭ بايانداۋىنشا، اتالعان كەزەڭدە قازاقستان ەكونوميكاسى % 3,3 كە وسكەن.
سونىمەن بىرگە، قاڭتار- شىلدە ايلارىندا قازاقستانداعى ءوندىرىس كولەمى % 4,9 كە ارتتى .