الماتى اكىمدىگى ديزەلدىك وتىن ماسەلەسىن قالاي شەشۋدە

الماتى. قازاقپارات- الماتى قالاسىنىڭ اكىمدىگى ەنەرگەتيكا مينيسترلىگىمەن بىرلەسىپ، ءىرى جانارماي قۇيۋ ستانتسيالارىنىڭ جەلىلەرىنە ديزەلدىك وتىننىڭ ۇزدىكسىز جەتكىزىلۋىن قامتاماسىز ەتۋگە كومەك كورسەتىپ جاتىر، دەپ حابارلايدى قازاقپارات ءتىلشىسى.

مەگاپوليستەگى جانارماي قۇيۋ ستانتسيالارىنا ديزەلدىك وتىن ءۇش قازاقستاندىق مۇناي وڭدەۋ زاۋىتىنان (پاۆلودار، اتىراۋ، شىمكەنت) جەتكىزىلەدى.

«الماتى قالاسىنىڭ كاسىپكەرلىك جانە ينۆەستيتسيالار باسقارماسى كوتەرمە جەتكىزۋشىلەرمەن بىرلەسىپ، تۇرعىنداردى قاجەتتى كولەمدە ديزەلدىك وتىنمەن قامتاماسىز ەتۋ ماسەلەسىن پىسىقتاۋدا. دۇربەلەڭدى بولدىرماۋ ماقساتىندا مۇناي بازالارى مەن جانارماي قۇيۋ بەكەتتەرىندەگى ديزەلدىك وتىننىڭ كەلىسىم- شارتتىق كولەمدەرىنىڭ قورلارىنا تۇراقتى مونيتورينگ جۇرگىزىلۋدە، جول بويىندا ديزەلدىك وتىنمەن قامتاماسىز ەتۋدە ىركىلىستەردى بولدىرماۋ ءۇشىن «ق ت ج» ۇ ك» ا ق- مەن كەلىسىم بار. مەگاپوليستى ديزەلدىك وتىنمەن قامتاماسىز ەتۋ ماسەلەسى ەرەكشە باقىلاۋدا»، - دەپ حابارلادى اكىمدىكتەن.

قالادا تۇتىنۋ كولەمىنىڭ ءوسۋى باسقا ايماقتاردان كەلەتىن اۋىر ترانزيتتىك كولىك يەلەرىنىڭ ديزەلدىك وتىنعا سۇرانىسىنىڭ ارتۋىنا بايلانىستى ورىن العان.

بۇگىندە الماتىدا 220 جانارماي قۇيۋ بەكەتى جۇمىس ىستەيدى. ونىڭ 80 پروتسەنتى التى ءىرى كومپانياعا تيەسىلى.