ەلوردا مەشىتىندە ناماز ۋاقىتىندا ۇرلىق جاساعان وزبەكستاندىق ۇستالدى

نۇر- سۇلتان. قازاقپارات - ەلوردادا ناماز ۋاقىتى كەزىندە مەشىتتە ۇرلىق جاساعان وزبەكستان ازاماتى ۇستالدى، دەپ حابارلايدى قازاقپارات Polisia.kz سايتىنا سىلتەمە جاساپ.

22 جاستاعى ميگرانت ەلورداعا ماۋسىم ايىنىڭ سوڭىندا كەلگەن. شەتەلدىكتىڭ 6 ۇرلىق فاكتىسىنە قاتىسى بار. ۇرلانعان زاتتاردىڭ ىشىندە اقشا مەن ۇيالى تەلەفوندار بولعان.

كۇدىكتى قىلمىستىق ارەكەتىنىڭ بەينەباقىلاۋ كامەرالارىنا ءتۇسىپ قالعانىن بىلمەگەن. بەينەتاسپالاردا ونىڭ ۇياشىقتاردان سومكەلەردى الىپ، ۇرلىق جاساعانى جازىلعان.

جەدەل ىزدەستىرۋ ءىس- شارالارى بارىسىندا كۇدىكتى ۇستالىپ، قاماۋعا الىندى. ول كىناسىن مويىندادى، پوليسەيلەر زاتتاي ايعاق رەتىندە ءتورت تەلەفون تاركىلەدى.

اتالعان فاكتىگە بايلانىستى ق ر ق ك- ءنىڭ 188-بابى (ۇرلىق) بويىنشا سوتقا دەيىنگى تەرگەۋ امالدارى جۇرگىزىلىپ جاتىر.