قازاقستاندىق اۋىر اتلەت ايزادا مۋپتيلدا يسلام ويىندارىنىڭ چەمپيونى اتاندى

نۇر- سۇلتان. قازاقپارات - قازاقستاندىق اۋىر اتلەت ايزادا مۋپتيلدا تۇركيانىڭ كونيا قالاسىندا ءوتىپ جاتقان يسلام ىنتىماقتاستىعى ويىندارىنىڭ چەمپيونى اتاندى، دەپ حابارلايدى قازاقپارات ءتىلشىسى.

ا. مۋپتيلدا +87 كەلى سالماقتا سەرپە كوتەرۋدەن 116 ك گ، جۇلقا كوتەرۋدەن 150 كەلى كورسەتكىشپەن يسلام ويىندارىنىڭ رەكوردىن ورناتتى. قوسسايىس قورىتىندىسى بويىنشا 266 كەلىنى باعىندىرعان ايزادا الدىنا جان سالماي، چەمپيوندىق تۇعىرعا كوتەرىلدى.

تاعى ءبىر قازاقستاندىق ليۋبوۆ كوۆالچۋك ءدال وسى سالماقتا سەرپە كوتەرۋدەن 114 كگ، جۇلقا كوتەرۋدەن 147 ك گ، جالپى ەسەپتە 261 كەلىمەن كۇمىس جۇلدەگە يە بولدى.

وسىلايشا، ا. مۋپتيلدا ءۇش التىن، ل. كوۆالچۋك ءۇش كۇمىس مەدالدى ەنشىلەدى.

«سپورتتى دامىتۋ ديرەكتسياسى» ر م ق ك- نىڭ مالىمەتىنە سايكەس، اۋىر اتلەتتەر قازاقستان قۇراماسى قورجىنىنا 8 التىن، 15 كۇمىس، 3 قولا جۇلدە سالدى.

ەسكە سالا كەتەيىك، بۇدان بۇرىن يسلاميادا ويىندارىندا قازاقستاننىڭ تاعى ەكى التىن مەدال العانىن جازعان بولاتىنبىز.