قىتاي تايۆان ارالىنىڭ ماڭىندا جاڭا اسكەري جاتتىعۋدى باستادى

نۇر-سۇلتان.قازاقپارات - قىتاي اسكەرى تايۆان ماڭىندا جاڭا جاۋىنگەرلىك جاتتىعۋلار وتكىزىپ جاتىر. جەكسەنبى كۇنى ارالعا سەناتور ەد مارك باستاعان ا ق ش كونگرەسى وكىلدەرى بارعان ەدى.

سەناتوردىڭ ايتۋىنشا، بۇل ساپاردىڭ ماقساتى «ۆاشينگتوننىڭ تايۆانعا قولداۋ بىلدىرەتىنىن قۋاتتاپ، بۇعازداعى تۇراقتىلىقتى نىعايتۋعا» باعىتتالعان. ال قىتاي سىرتقى ىستەر مينيسترلىگى بۇل وڭىردەگى بەيبىتشىلىككە كەرى اسەرىن تيگىزەدى دەيدى.

ەسكە سالا كەتەيىك، بۇل وسى ايدا ا ق ش جوعارى لاۋازىمدى تۇلعالارىنىڭ ارالعا جاساپ وتىرعان ەكىنشى ساپارى. وسىعان دەيىن وكىلدەر پالاتاسىنىڭ سپيكەرى نەنسي پەلوسي تايۆانعا بارىپ قايتقان بولاتىن.

ۆان ۆەنبين، قىتاي س ءى م رەسمي وكىلى:

- سەناتورلاردىڭ تايۆانعا ساپارى «ءبىرتۇتاس قىتاي» قاعيداتىن جانە بىرلەسكەن ءۇش قىتاي- امەريكاندىق كومميۋنيكەلەردى ورەسكەل بۇزىپ وتىر. وسىلاي تايۆانداعى سەپاراتيستىك كۇشتەرگە قاتە بەلگى بەردى. ءبىز ا ق ش- تى «ءبىرتۇتاس قىتاي» قاعيداتىن بۇلجىتپاي ورىنداۋعا شاقىرامىز.

www.24.kz