سولتۇستىك قازاقستاندا تەرگەۋدەگى ادام اۋرۋحانادان قاشىپ كەتتى

None
None
پەتروپاۆل. قازاقپارات - سولتۇستىك قازاقستان وبلىسىندا تەرگەۋ ءۇشىن قامالعان ەر ادام اۋداندىق اۋرۋحانادان قاشىپ كەتتى، دەپ حابارلايدى قازاقپارات ءتىلشىسى.

ءى ءى م حابارلاۋىنشا، 13- تامىز كۇنى كەشكە ع. مۇسىرەپوۆ اتىنداعى اۋداندىق اۋرۋحانادان ارنايى پالاتادا ەم الىپ جاتقان تەرگەۋمەن قامالعان ادام قاشىپ كەتكەن. 23 جاستاعى سولتۇستىك قازاقستاندىق مال ۇرلىعى فاكتىسى بويىنشا تەرگەۋگە الىنعان ەكەن.

وبلىستىق پوليتسيا دەپارتامەنتىنىڭ، اۋماقتىق بولىنىستەردىڭ جەكە قۇرامى دابىل بويىنشا شاقىرتىلىپ، كۇدىكتىنى ىزدەۋگە باعدارلاندى.

قاشقىننىڭ جولىن بوگەۋ ءۇشىن وبلىستىق جانە رەسپۋبليكالىق ماڭىزى بار جولدارعا بەكەتتەر قويىلدى.

جەكسەنبى كۇنى تاڭەرتەڭ ع. مۇسىرەپوۆ اتىنداعى اۋداننىڭ ستاۆروپولكا اۋىلىنىڭ ماڭىندا كۇدىكتى ۇستالدى.

قازىرگى ۋاقىتتا ۇستالعان ادام تەرگەۋ يزولياتورىنا قامالدى. قاشۋ فاكتىسى بويىنشا ق ر قىلمىستىق كودەكسىنىڭ 426-بابى 1-بولىگىمەن سوتقا دەيىنگى تەرگەپ-تەكسەرۋ باستالدى.

بۇعان دەيىن پەتروپاۆلداعى 2№ قالالىق سوتتىڭ جانە مامانداندىرىلعان اۋدانارالىق ەكونوميكالىق سوتتىڭ سۋديالارى مەن قىزمەتكەرلەرى جارىلعىش زات قويىلعاندىعى تۋرالى حابارعا بايلانىستى ەۆاكۋاتسيالانعانىن ايتقان ەدىك.

پوليتسيا قىزمەتكەرلەرى عيماراتتان قاۋىپتى زاتتى تاپپادى.

سوڭعى جاڭالىقتار