وزبەك حانعا تيەسىلى التىن ارىپتەرمەن جازىلعان قۇران تۇركيادا تابىلدى
مادەنيەت جانە سپورت مينيسترلىگىنىڭ قولجازبالار جانە سيرەك كىتاپتار ۇلتتىق ورتالىعىنىڭ قىزمەتكەرلەرى تۇركيادا ءىس ساپاردا بولىپ، قازاقستان تاريحىنا قاتىستى قۇندى دەرەكتەردى ەلگە اكەلۋ بويىنشا جۇمىس جۇرگىزگەن. بۇل جۇمىستار مەملەكەتتىك «ارحيۆ-2025» كەشەندى جوسپارىن ىسكە اسىرۋ ماقساتىندا اتقارىلىپ وتىر.
زەرتتەۋشىلەر ەلىمىزدىڭ تاريحىنا قاتىستى جازبا مۇرالار مەن قۇندى قۇجاتتار تاپقان.
اتاپ ايتقاندا، وسمانلى ارحيۆىنىڭ 27 قوردان، 248 ىستەن تۇراتىن قورىن، سۇلەيمانيا مەشىتى مەدرەسەسىنىڭ كىتاپحاناسىندا 106 توپتامانى زەرتتەۋ بارىسىندا 70 مىڭ تومعا تاياۋ جازبا، 120 مىڭ تومداي باسپا ەسكەرتكىشتەر جيناقتالعان. ال سۇلەيمانيا كىتاپحاناسىندا قازاق جەرىنەن شىققان ورتاعاسىرلىق اۆتورلاردىڭ 19 ەڭبەگى انىقتالىپ، كوشىرمەسى الىندى.
«ءىس ساپار كەزىندە تابىلعان قۇندى قولجازبالاردىڭ ءبىرى - XIV عاسىردا التىن ارىپتەرمەن جازىلعان التىن وردا حانى وزبەك حانعا تيەسىلى قۇران. سونىمەن قاتار عىلىمي ءىس ساپار بارىسىندا اقىن زەينەل سۇرمەلىنىڭ ۇلى ماحمۋد سۇرمەلى ۇلتتىق ورتالىق قورىنا كوزىنىڭ قاراشىعىنداي ساقتاعان اكەسىنىڭ ءتۇپنۇسقا قولجازبالارىن، سول زامانداعى بۇكىل الەمدەگى قازاق قاۋىمداستىعىمەن الماسقان حاتتارى مەن ءوزىنىڭ 1500 ولەڭ جولىن رەسمي تۇردە تاپسىردى»، - دەدى قولجازبالار جانە سيرەك كىتاپتار ۇلتتىق ورتالىعىنىڭ ديرەكتورى جاندوس بولدىقوۆ.