ونكولوگ مەڭدى الىپ تاستاۋدىڭ قاۋپى تۋرالى ايتتى

نۇر-سۇلتان. قازاقپارات - كوسمەتولوگتىڭ باقىلاۋى بويىنشا ءتيىستى اناليز تاپسىرماي، مەڭدى الىپ تاستاۋ ادام ومىرىنە قاۋىپتى قاتەرلى ىسىككە الىپ كەلۋى مۇمكىن.

بۇل تۋرالى ونكولوگ دارىگەر، ESMO ەۋروپالىق كلينيكا ونكولوگتارى قوعامىنىڭ مۇشەسى، مەديتسينا عىلىمدارىنىڭ كانديداتى اندرەي پىليەۆ مالىمدەدى.

«ەگەر ادام كوسمەتولوگتىڭ كومەگىمەن مەڭدى الىپ تاستاسا، ال ول مەڭ ەمەس، قاتەرلى قال - مەلانوما بولىپ شىقسا، وندا ول جويۋ تۇبەگەيلى جۇرگىزىلمەيدى. ادامعا ەشقانداي قوسىمشا تەكسەرۋ، ءدارى-دارمەك تەراپياسى تاعايىندالمايدى. ونىڭ اعزاسىندا قاتەرلى ىسىك پروتسەسىنىڭ اسقىنىپ، بۇل ولىمگە اكەلەدى. ەگەر بۇل مەلانوماعا قاتىستى بولسا، تۋرا وسىنداي جاعداي بولادى»، - دەدى اندرەي پىليەۆ URA. RU اگەنتتىگىنە بەرگەن سۇحباتىندا.

دارىگەردىڭ ايتۋىنشا، بەيىندىك ونكولوگيالىق مەكەمەلەرگە وسىنداي پروبلەمالارى بار ادامدار ءجيى جۇگىنەدى.

«كوسمەتيكالىق كلينيكالارداعى دارىگەرلەردە مەڭنىڭ كۇدىكتى سيپاتتا ەكەنىن بىردەن اڭعاراتىنداي بىلىكتىلىك ءارقاشان بولا بەرمەيدى. ەگەر قالدى الىپ تاستاۋ وسىنداي ورىنداردا جۇرگىزىلسە، گيستولوگيا بولماسا نەمەسە مەڭدى جويۋ دۇرىس ەمەس ادىسپەن جۇرگىزىلسە، وندا بۇل ۇلكەن پروبلەماعا الىپ كەلەدى. ماعان مەلانوما مەتاستازاسىنا كوپ ناۋقاس شاعىمدانىپ كەلەدى. سۇحباتتاسۋ كەزىندە ولاردىڭ ءبىراز بۇرىن كوسمەتولوگتىڭ كومەگىمەن مەڭدى الىپ تاستاعانى انىقتالادى»، - دەدى ول.

ماماننىڭ ايتۋىنشا، ەگەر بارلىق تالاپ ساقتالسا، وندا مەڭدى الىپ تاستاۋعا شەشىم قابىلداعان ادامعا ەشقانداي قاۋىپ تونبەۋى كەرەك.

«مەڭدەردى جويۋ دۇرىس جۇرگىزىلگەن بولسا، وندا ول پروتسەسس ادامعا پروبلەما تۋدىرماۋى كەرەك. ونىڭ ۇستىنە، مەلانومانىڭ دامۋى تۇرعىسىنان قاۋىپتى بولۋى مۇمكىن كەيبىر كۇدىكتى مەڭدەر كەزدەسەتىن بولسا، وندا ولاردىڭ پروفيلاكتيكالىق جويۋ قاتەرلى ىسىك اسقىنۋىنىڭ الدىن الۋدىڭ ەڭ ءتيىمدى ءادىسى بولىپ تابىلادى»، - دەپ تۇيىندەدى مەديتسينا عىلىمدارىنىڭ كانديداتى.

massaget.kz