پرەزيدەنتكە ت م د- داعى ءبىر عانا دانا كومپيۋتەرلىك توموگرافيا تانىستىرىلدى

نۇر-سۇلتان. قازاقپارات - يادرولىق مەديتسينا ورتالىعى جەتەكشىسىنىڭ مىندەتىن اتقارۋشى ايگۇل سادۋاقاسوۆا ق ر پرەزيدەنتى قاسىم-جومارت توقايەۆقا جاڭا مەديتسينالىق اپپاراتتىڭ مۇمكىندىكتەرى تۋرالى ايتىپ بەردى، دەپ حابارلايدى قازاقپارات ءتىلشىسى.

«بۇل بىرەگەي كومپيۋتەرلىك توموگرافيا سانالادى. ويتكەنى، بۇل اپپارات قازاقستاندا، ورتالىق ازيادا جانە ت م د كەڭىستىگىندە ءبىر دانا عانا. بۇل يادرولىق مەديتسينا يندۋسترياسىنىڭ يننوۆاتسيالىق ماشيناسى سانالادى. ونىڭ اتاپ وتەرلىك ەرەكشەلىگى پاتسيەنتتى سكانەرلەۋ جىلدامدىعىن ارتتىراتىن سيفرلىق تەحنولوگيا ورناتىلعان. سۋرەت ساپاسىن جاقسارتىپ، ساۋلە جۇكتەمەسى تومەندەتىلگەن. بۇل ورتالىقتىڭ پاتسيەنتتەردى قابىلداۋ جۇكتەمەسىن ەكى ەسە ارتتىرادى. اپپارات پەت/كت زەرتتەۋلەرىنەن تۇرادى»، دەدى ايگۇل سادۋاقاسوۆا.

بۇعان دەيىن قاسىم-جومارت توقايەۆ ق ر پرەزيدەنتىنىڭ ءىس باسقارماسى مەديتسينالىق ورتالىعىنىڭ اۋرۋحاناسىنا بارىپ، جاڭا نىساندارى - يادرولىق مەديتسينا ورتالىعى مەن ەمدىك-دياگنوستيكالىق بلوكپەن تانىسقانىن حابارلاعان ەدىك.