سەرىك جۇمانعارين ۆيتسە-پرەمەر - ساۋدا ءمينيسترىنىڭ مىندەتتەرىن اتقارۋشى بولدى

نۇر-سۇلتان. قازاقپارات - سەرىك جۇمانعارين ق ر پرەمەر-ءمينيسترىنىڭ ورىنباسارى - ساۋدا جانە ينتەگراتسيا ءمينيسترىنىڭ مىندەتتەرىن اتقارۋشى بولىپ تاعايىندالدى، دەپ حابارلايدى قازاقپارات اقورداعا سىلتەمە جاساپ.

«سەرىك ماقاش ۇلى جۇمانعارين قازاقستان رەسپۋبليكاسى پرەمەر-ءمينيسترىنىڭ ورىنباسارى - ساۋدا جانە ينتەگراتسيا ءمينيسترىنىڭ مىندەتتەرىن اتقارۋشى بولىپ تاعايىندالسىن، ول قازاقستان رەسپۋبليكاسىنىڭ باسەكەلەستىكتى قورعاۋ جانە دامىتۋ اگەنتتىگىنىڭ ءتوراعاسى لاۋازىمىنان بوساتىلسىن»، - دەلىنگەن مەملەكەت باسشىسى قاسىم-جومارت توقايەۆتىڭ جارلىعىندا.

سەرىك ماقاش ۇلى جۇمانعارين 1969-جىلى تۋعان. 1993-جىلى ماسكەۋ لەنين وردەندى جانە وكتيابر ريەۆوليۋتسياسى وردەندى ەنەرگەتيكالىق ينستيتۋتىن «جىلۋ فيزيكاسى» ماماندىعى بويىنشا، 1997-جىلى ە. ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «قارجى جانە نەسيە» ماماندىعى بويىنشا ءبىتىردى. 2013-جىلى حالىقارالىق بيزنەس اكادەمياسىندا «مەنەدجمەنت» ماماندىعى بويىنشا ىسكەرلىك اكىمشىلىك ماگيسترى دارەجەسىن الدى.

1993-2004-جىلدارى كاسىپكەرلىك قىزمەتپەن اينالىستى.

2005 - 2006 -جىلدارى - اقتوبە قالاسىنىڭ ەكونوميكا جانە بيۋجەتتىك جوسپارلاۋ ءبولىمى باستىعىنىڭ ورىنباسارى؛ اقتوبە قالاسى كاسىپكەرلىك ءبولىمىنىڭ باستىعى.

2006 - 2007 -جىلدارى – ق ر تابيعي مونوپوليالاردى رەتتەۋ اگەنتتىگىنىڭ اقتوبە وبلىسى بويىنشا باسقارماسى باستىعىنىڭ ورىنباسارى.

2007 - 2008 -جىلدارى – ق ر تابيعي مونوپوليالاردى رەتتەۋ اگەنتتىگى اقتوبە وبلىسى بويىنشا باسقارماسىنىڭ باستىعى؛ اتالعان اگەنتتىكتىڭ اقتوبە وبلىسى بويىنشا دەپارتامەنتىنىڭ ديرەكتورى.

2008 - 2010 -جىلدارى – ق ر يندۋستريا جانە ساۋدا مينيسترلىگى ساۋدا كوميتەتى ءتوراعاسىنىڭ ورىنباسارى، ساۋدانى دامىتۋ دەپارتامەنتىنىڭ ديرەكتورى؛ «قازاقستاندىق كەلىسىم-شارت اگەنتتىگى» ا ق باسقارما ءتوراعاسىنىڭ ورىنباسارى.

2010 - 2011 -جىلدارى - «NadLoc» جەرگىلىكتى قامتۋدى دامىتۋ ۇلتتىق اگەنتتىگى» ا ق باسقارما ءتوراعاسىنىڭ ورىنباسارى، ءبىرىنشى ورىنباسارى.

2012 - 2013 -جىلدارى – ق ر ەكونوميكالىق دامۋ جانە ساۋدا مينيسترلىگى وڭىرلىك ساياسات جانە بيۋجەتارالىق قاتىناستار دەپارتامەنتىنىڭ ديرەكتورى؛ ق ر ەكونوميكالىق دامۋ جانە ساۋدا مينيسترلىگى وڭىرلىك دامۋ كوميتەتىنىڭ ءتوراعاسى.

2013 - 2014 -جىلدارى – ق ر وڭىرلىك دامۋ ۆيتسە-ءمينيسترى.

2014 - 2017 -جىلدارى – ق ر ۇلتتىق ەكونوميكا مينيسترلىگى تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ ءتوراعاسى.

2019-2020 -جىلدارى - باسەكەلەستىك جانە مونوپولياعا قارسى رەتتەۋ جونىندەگى ەۋرازيالىق ەكونوميكالىق كوميسسيا القاسىنىڭ مۇشەسى (مينيستر).