انتيكور اعايىندى نىعماتۋليندەر تەرگەلىپ جاتقانىن راستادى

نۇر- سۇلتان. قازاقپارات – ق ر سىبايلاس جەمقورلىققا قارسى ءىس- قيمىل اگەنتتىگىنىڭ باسپا ءسوز قىزمەتى ءماجىلىستىڭ ەكس- ءتوراعاسى نۇرلان نىعماتۋلين مەن ءىنىسى ەرلان نىعماتۋلين تەرگەۋگە الىنعانىن راستادى، دەپ حابارلايدى قازاقپارات ءتىلشىسى.

Тelegram -ارنالاردىڭ بىرىندە نۇرلان نىعماتۋلين مەن سىڭارى ەرلان نىعماتۋليننىڭ تەرگەلىپ جاتقانى تۋرالى مالىمەت تاراعان بولاتىن.

سىبايلاس جەمقورلىققا قارسى ءىس- قيمىل اگەنتتىگىنىڭ باسپا ءسوز قىزمەتى قازاقپارات تىلشىسىنە اتالعان اقپاراتتىڭ راستىعىن ءمالىم ەتى. الايدا اتالعان تۇلعالاردىڭ قاي كۇنى تەرگەۋگە الىنعانى، قانداي ماسەلە بويىنشا تەرگەۋ وربيتاسىنا تارتىلعانى حابارلانعان جوق.

«باسقا مالىمەت جوق، تەرگەۋ مۇددەسىنە وراي جاريالاۋعا جاتپايدى»، - دەپ جازىلعان اگەنتتىك مالىمەتىندە.

ەسكە سالساق، بيىلعى اقپان ايىندا ق ر ورتالىق سايلاۋ كوميسسياسى پارلامەنت ماجىلىسىنە نۇرلان نىعماتۋليننىڭ وكىلەتىگىن مەرزىمىنەن بۇرىن توقتاتۋ تۋرالى ۇسىنىس ەنگىزگەن بولاتىن. ال ناۋرىز ايىندا ن. نىعماتۋلين سول كەزدەگى «نۇر وتان»، قازىرگى «امانات» پارتياسىنىڭ ساياسي كەڭەسىنەن شىعارىلدى.

اۆتور

ەسىمجان ناقتىباي