قازاقستاندا كىمدەر ەڭ جوعارى ايلىق الىپ ءجۇر

None
None
نۇر- سۇلتان. قازاقپارات - ۇلتتىق ستاتيستيكا بيۋروسى قازاقستاندا ەڭ جوعارى ايلىقتى كىمدەر الىپ جۇرگەنى تۋرالى مالىمەت ۇسىندى، دەپ حابارلايدى قازاقپارات ءتىلشىسى.

«جالاقىنىڭ ەڭ جوعارى مولشەرىنە قاتىستى كەلەسىنى حابارلايمىز. بيۋرو جىل سايىن «جالاقى قۇرىلىمى جانە ونى ءبولۋ تۋرالى ەسەپ» ستاتيستيكالىق نىسانى نەگىزىندە كاسىپورىندارعا زەرتتەۋ جۇرگىزەدى. ەسەپتى جىلدىڭ ءساۋىر ايىندا تولىق جۇمىس ىستەگەن بارلىق قىزمەتكەرلەر زەرتتەۋگە جاتادى.

وسىلايشا، 2021 -جىلدىڭ قورىتىندىسى بويىنشا ەڭ جوعارى جالاقى «ازاماتتىق قۇرىلىس» سالاسىنداعى باسقارۋشىدا (كوممەرتسيالىق قىزمەتتە) - 4,5 ميلليون تەڭگە سوماسىندا، سونداي- اق «شيكى مۇناي جانە تابيعي گاز ءوندىرۋ» سالاسىنداعى باس ديرەكتوردا - 3,9 ميلليون تەڭگە جانە «اۆتوموبيلدەر مەن موتوتسيكلدەر ساۋداسىنان باسقا كوتەرمە ساۋدادا ساتۋ» سالاسىنداعى ينۆەستيتسيالىق جوبالار جونىندەگى ديرەكتوردا - 3,9 ميلليون تەڭگە بولىپ بەلگىلەندى. نازار اۋدارامىز، جالاقى مولشەرى لاۋازىمعا جانە ەكونوميكالىق قىزمەت ءتۇرى، ايماق، بىلىكتىلىك، جۇمىس ءوتىلى جانە باسقالارى سياقتى ماڭىزدى فاكتورلارعا بايلانىستى»، - دەپ جازىلعان قازاقپاراتتىڭ رەسمي ساۋالىنا جولدانعان جاۋاپتا.

سونىمەن، ەڭ جوعارى ايلىقتىڭ كولەمى 3,9 ميلليون تەڭگەدەن باستالادى دەسەك، ونى الاتىنداردىڭ ەڭبەككە جارامدى حالىقتىڭ ىشىندەگى ۇلەسى 0,1 پايىزعا دا جەتپەيتىن كورىنەدى.

«2021 -جىلعى زەرتتەۋ قورىتىندىسى بويىنشا زەرتتەۋگە قاتىساتىن ادامداردىڭ جالپى سانىنان 3,9 ميلليون تەڭگەدەن استام جالاقىنى % 0,1 تومەن ادام الدى. 275 مىڭ تەڭگەدەن استام جالاقىنى% 28,4 ادام الدى» ، - دەپ جازادى ۇلتتىق ستاتيستيكا بيۋروسىنىڭ ماماندارى.

بۇعان دەيىن بيۋرو قازاقستاندىقتاردىڭ ورتاشا جالاقىسى 312 مىڭ تەڭگەدەن اسقانى تۋرالى مالىمەت تاراتقان ەدى.

سونداي- اق، جان باسىنا شاققانداعى ورتاشا ايلىق تابىسى 50 مىڭ تەڭگەگە جەتپەيتىن قازاقستاندىقتاردىڭ ۇلەسى % 38,7 بولىپ وتىر.

ۇلتتىق ستاتيستيكا بيۋروسى قازاقستاندا ەڭ كوپ كەزدەسەتىن ايلىق كولەمىن اتادى.

اۆتور

ەسىمجان ناقتىباي


سوڭعى جاڭالىقتار