تۇركيانىڭ اسكەري درونىنا قازاقستاندا وندىرىلەتىن قۇرالدار پايدالانىلماق
«قازاقستان ينجينيرينگ» ۇلتتىق كومپانياسى» اكسيونەرلىك قوعامىنىڭ باسقارما ءتوراعاسى تەمىرجان ءابدىراحمانوۆ قازاقپاراتتىڭ رەسمي جاۋابىنا وسىنداي مالىمەت ۇسىندى.
«ءبىز Turkish Aerospace كومپانياسى مەن «قازاقستان ينجينيرينگ» ەكى كومپانيانىڭ ءبىرىنىڭ بازاسىندا پيلوتسىز ۇشاتىن اپپارات ءوندىرۋ سالاسىنداعى ىنتىماقتاستىق تۋرالى مەموراندۋمعا قول قويدى. ق ر قورعانىس مينيسترلىگى وسى جىلى العاشقى Anka-S- ءتى الادى. جاقىن ارادا ءبىز «ءىرى توراپتى» قۇراستىرۋدى جۇزەگە اسىرامىز. ودان ءارى قورعانىس مينيسترلىگى قارۋ جاراقتى پايدالانۋعا ەنگىزۋ ماقساتىندا سىناقتار وتكىزەدى. سونىمەن قاتار ءبىز ءبىر ۋاقىتتا ءوندىرىس ورنىن قۇرۋمەن اينالىسىپ جاتىرمىز»، - دەيدى كوماپنيا باسشىسى.
دەگەنمەن، تەمىرجان ءابدىراحمانوۆ اتالعان ءوندىرىس وشاعى ءدال قاي وڭىردە، قانداي زاۋىت بازاسىندا ورنىعاتىنى ءالى ناقتىلانباعانىن ءمالىم ەتتى.
«ءبىز كومپوزيتتىك ماتەريالدار ءوندىرىسىن قۇرامىز. وعان قازاقستاندىق كابەلدەر پايدالانىلادى. سونداي- اق ءبىز قۇراستىرۋدى، تەحنيكالىق سۇيەمەلدەۋدى، بورتتىق جابدىقتى جوندەۋدى رەتتەستىرەمىز. ءبىز ءوز وپتيكامىزدى جاساۋعا كىرىسىپ كەتتىك. ءبىز وپتيكاعا نازار اۋدارعىمىز كەلەدى.
ونى تۇرىكتىڭ «Aselsan» – «Kazakhstan Aselsan Engineering» كومپانياسىمەن بىرلەسكەن كاسىپورىندا وقشاۋلاۋدى (لوكاليزاتسيا - رەد. ) جوسپارلاپ وتىرمىز. سونىمەن قاتار قارجىلاندىرۋ ماسەلەلەرى انىقتالۋدا. جوبا 2030 -جىلعا دەيىن ەسەپتەلگەن. مەن «Turkish Aerospace» باسشىلىعىمەن شىلدە جانە تامىز ايلارىندا كەزدەستىم. ولار قازاقستان ءۇشىن تولىعىمەن اشىق. ءبىز ولار Anka-S تەحنولوگياسىن ۇسىنعان العاشقى ەلمىز»، - دەيدى ۇلتتىق كومپانيانىڭ باسقارما ءتوراعاسى.
ايتا كەتەيىك، بۇعان دەيىن قورعانىس مينيسترلىگى تۇركيالىق بروندى تەحنيكانى ساتىپ الۋ ءۇشىن سىناقتان وتكىزەتىنىن حابارلاعان بولاتىن.
اۆتور
ەسىمجان ناقتىباي