تايتوبە اۋىلىنداعى جارىلىسقا قاتىستى قىلمىستىق ءىس قوزعالدى
15 تامىز 15:57

تايتوبە اۋىلىنداعى جارىلىسقا قاتىستى قىلمىستىق ءىس قوزعالدى

كوكشەتاۋ. قازاقپارات - اقمولا وبلىسىنىڭ تايتوبە اۋىلىنداعى جارىلىسقا بايلانىستى قىلمىستىق ءىس قوزعالدى، دەپ حابارلايدى قازاقپارات ءتىلشىسى.

وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، اتالعان دەرەك قىلمىستىق كودەكستىڭ 292-بابىنىڭ 2-بولىگى (ءورت قاۋىپسىزدىگى تالاپتارىن بۇزۋ) بويىنشا سوتقا دەيىنگى تەرگەپ- تەكسەرۋدىڭ ءبىرىڭعاي تىزىلىمىندە تىركەلدى.

«وقيعا 14- تامىزدا بولعان. جارىلىس بولعان ءۇي يەسى مەن ونىڭ اعاسى كومىردى سۇرىپتاۋمەن اينالىسقان. جۇمىس كەزىندە بەلگىسىز زاتتىڭ جارىلۋى ورىن الدى، ناتيجەسىندە ءۇي يەسى وقيعا ورنىندا كوز جۇمدى. ەكىنشى ەر ادام مەن ونىڭ جاس بالاسى ءتۇرلى جاراقاتتارمەن نۇر- سۇلتان قالاسىنىڭ ەمدەۋ مەكەمەلەرىنە جاتقىزىلدى. قازىرگى ۋاقىتتا قايعىلى وقيعاعا قاتىستى تەحنيكالىق ساراپتاماسىن تاعايىندادى»، - دەدى ۆەدومستۆودان.

ايتا كەتسەك، اقمولا وبلىسىندا بەلگىسىز زات جارىلىپ، ەر ادام قازا تاپقان ەدى.

اۆتور

اسلان وسپانوۆ


جاڭالىقتار