مەملەكەت باسشىسى جاڭادان اشىلعان يادرولىق مەديتسينا ورتالىعىمەن تانىستى
15 تامىز 15:26

مەملەكەت باسشىسى جاڭادان اشىلعان يادرولىق مەديتسينا ورتالىعىمەن تانىستى

نۇر- سۇلتان. قازاقپارات - قاسىم- جومارت توقايەۆ ق ر پرەزيدەنتىنىڭ ءىس باسقارماسى مەديتسينالىق ورتالىعىنىڭ اۋرۋحاناسىنا بارىپ، جاڭا نىساندارى - يادرولىق مەديتسينا ورتالىعى مەن ەمدىك- دياگنوستيكالىق بلوكپەن تانىستى، دەپ حابارلايدى قازاقپارات بورت№1 تەلەگرام- ارناسىنا سىلتەمە جاساپ.

پرەزيدەنتكە الدىمەن قىركۇيەك ايىندا اشىلاتىن يادرولىق مەديتسينا ورتالىعىنىڭ دياگنوستيكا بلوگى تانىستىرىلدى. يادرولىق مەديتسينا ورتالىعىنىڭ ىسكە قوسىلعان كەزدە دياگنوزىن قويۋ قيىن قاتەرلى ىسىك اۋرۋلارىن، سونداي- اق كارديولوگيا جانە نيەۆرولوگيا اۋرۋلارىن ەرتە كەزەڭىندە انىقتايدى. زاماناۋي جابدىقتارمەن قامتاماسىز ەتىلگەن جاڭا ورتالىقتىڭ قىزمەتى - ەمدەلۋگە جولداما بەرىلگەن ءاربىر قازاقستاندىققا ورتاق.


بۇل ورتالىقتىڭ ەرەكشەلىگى - قازىرگى كەزدە الەمدىك مەديتسينا يندۋسترياسىندا قولجەتىمدى پوزيتروندى ەميسسيالىق كومپيۋتەر توموگرافياسى. سكانەرلەۋ جىلدامدىعى جوعارى بۇل اپپارات دياگنوز قويۋ ساپاسىن ارتتىرادى. پەت/ك ت زەرتتەۋىنەن وتەتىن پاتسيەنتتەردىڭ سانىن جىلىنا 3 مىڭنان 7 مىڭعا دەيىن ارتتىرادى. مامانداردىڭ ايتۋىنشا، قازىرگى ۋاقىتتا بۇل اپپاراتتىڭ ورتالىق ازيا مەن ت م د ەلدەرىندە بالاماسى جوق.

قاسىم- جومارت توقايەۆقا سيكلوتروندى- وندىرىستىك كەشەن مەن دياگنوستيكالىق بلوكتان تۇراتىن بىرەگەي يادرولىق مەديتسينا ورتالىعىنىڭ باسقا دا مۇمكىندىكتەرى تۋرالى باياندالدى. اتاپ ايتقاندا سيكلوتروندى كەشەن ارقىلى 9 راديوفارمپرەپارات وندىرىسىنە جول اشىلماق. قازاقستاندا بۇل پرەپاراتتاردىڭ سەگىزى بۇرىن وندىرىلمەگەن.


مەملەكەت باسشىسى جاڭا ەمدەۋ- دياگنوستيكالىق بلوكتى ارالاپ كوردى. بۇل جەردە كۇردەلى اۋرۋلارعا شالدىققان ناۋقاستاردى ەمدەۋ مەن وڭالتۋدىڭ تاسىلدەرى ارقىلى 7 تەراپيالىق بولىمشە جۇمىس ىستەيدى.

پرەزيدەنت دارىگەرلەرمەن جانە عالىمدارمەن پىكىرلەسىپ، يادرولىق مەديتسينا ورتالىعىنىڭ قىزمەتى بۇكىل ەلىمىز ءۇشىن ايتۋلى وقيعا بولاتىنىن اتاپ ءوتتى. قاسىم- جومارت توقايەۆ ورتالىق قىزمەتى ازاماتتاردىڭ دەنساۋلىعىن جاقسارتۋعا جانە قازاقستاندىقتار ءۇشىن زاماناۋي مەديتسينالىق تەحنولوگيالاردىڭ قولجەتىمدىلىگىن ارتتىرۋعا قىزمەت ەتەتىنىنە سەنەتىنىن جەتكىزدى.

فوتو: akorda.kz

رەداكتور

اسحات رايقۇل


جاڭالىقتار