قازاقستاندا ەڭ كوپ كەزدەسەتىن ايلىق كولەمى قانداي

نۇر- سۇلتان. قازاقپارات - ۇلتتىق ستاتيستيكا بيۋروسى قازاقستاندا ەڭ كوپ كەزدەسەتىن (مودالدىق - رەد. ) ايلىق كولەمىن اتادى، دەپ حابارلايدى قازاقپارات ءتىلشىسى.

«2021 -جىلدىڭ قورىتىندىسى بويىنشا قازاقستان رەسپۋبليكاسى بويىنشا مەديانالىق جانە مودالدىق جالاقى 157863 تەڭگە جانە 173249 تەڭگە بولدى. سونداي- اق، 2022 -جىلدان باستاپ بيۋرو توقساندىق نەگىزدە مەديانالىق جالاقىنى باعالاۋدى جاريالايدى. اعىمداعى جىلدىڭ 1 -توقسانىندا مەديانالىق جالاقى - 179970 تەڭگە، ال Ⅱتوقسانىندا - 196728 تەڭگە بولدى»، - دەپ جازىلعان بيۋرونىڭ قازاقپارات ساۋالىنا جولداعان جاۋابىندا.

سونداي- اق، بيۋرو ماماندارى قازىر رەسمي ستاتيستيكادا نەگىزگى ولشەم رەتىندە قولدانىلىپ جۇرگەن ورتاشا ايلىقتىڭ قانداي تاسىلمەن ەسەپتەلەتىنىن بايانداعان.

«ۇلتتىق ستاتيستيكا بيۋروسى ورتاشا جالاقى تۋرالى اقپاراتتى كاسىپورىندار مەن ۇيىمداردان الىنعان دەرەكتەر نەگىزىندە جالاقى قورىنىڭ ەسەپتەلگەن سوماسىن قىزمەتكەرلەردىڭ ناقتى سانىنا جانە ەسەپتى توقسانداعى ايلار سانىنا ءبولۋ جولىمەن ەسەپتەيدى. ادەتتە، ءار قىزمەتكەر ءۇشىن جالاقى مولشەرى ءبىرقاتار فاكتورلارعا بايلانىستى وزگەرەدى.

وسىنداي ايىرماشىلىقتاردى ەسكەرە وتىرىپ، بيۋرو باسقا دا كورسەتكىشتەردى قالىپتاستىرادى - مەديانالىق، مودالدىق جالاقى، سونداي- اق ماماندىقتار بويىنشا جالاقى ستاتيستيكاسى جۇرگىزىلەدى»، - دەلىنگەن بيۋرونىڭ رەسمي جاۋابىندا.

بۇعان دەيىن جاريالانعانىنداي، جان باسىنا شاققانداعى ورتاشا ايلىق تابىسى 50 مىڭ تەڭگەگە جەتپەيتىن قازاقستاندىقتاردىڭ ۇلەسى % 38,7 بولىپ وتىر.

اۆتور ەسىمجان ناقتىباي