ۆەلوسيپەدشىنى قاعىپ ولتىرگەن جۇرگىزۋشى وقيعا ورنىنان قاشىپ كەتكەن

پەتروپاۆل. قازاقپارات - سولتۇستىك قازاقستان وبلىسىندا تراسسادا كەتىپ بارا جاتقان ۆەلوسيپەدشىنى قاعىپ كەتكەن كولىك جۇرگىزۋشىسى وقيعا ورنىنان بوي تاسالاعان، دەپ حابارلايدى قازاقپارات ءتىلشىسى.

س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 7- تامىز كۇنى مامليۋت اۋدانىنىڭ پوليتسيا بولىمىنە «قوستاناي- مامليۋتكا» اۆتوجولىندا، مامليۋتكا قالاسىنان 3 ك م جەردە ەر ادامنىڭ دەنەسى جاتقاندىعى تۋرالى حابار تۇسكەن. قازا تاپقان 1971 -جىلى تۋعان ۆوسكرەسەنوۆكا ەلدى مەكەنىنىڭ تۇرعىنى بولىپ شىقتى.

ۆەلوسيپەد مىنگەن ەر ادامدى كولىك قاعىپ كەتكەن. ونىڭ دەنەسى جول جيەگىندە ءۇش كۇندەي جاتىپ قالىپتى.

جەدەل ىزدەستىرۋ ءىس- شارالارى بارىسىندا پوليتسيا قىزمەتكەرلەرى «ۋاز-390945-460» اۆتوكولىگىنىڭ جۇرگىزۋشىسى - 1977 -جىلعى پەتروپاۆل قالاسىنىڭ تۇرعىنى 4- تامىز كۇنى «قوستاناي- مامليۋتكا» اۆتوجولىندا ۆەلوسيپەدشىنى قاعىپ كەتكەنىن انىقتادى. ۆەلوسيپەدشى وقيعا ورنىندا قايتىس بولعان. جۇرگىزۋشى جول- كولىك وقيعاسى ورنىنان كەتىپ قالعان.

اتالعان فاكتى سوتقا دەيىنگى تەرگەپ- تەكسەرۋدىڭ ءبىرىڭعاي تىزىلىمىندە ق ر ق ك 345 جانە 347-باپتارى بويىنشا تىركەلدى. ۇستالعان كۇدىكتى قاماۋعا الىندى. قاجەتتى ساراپتامالار تاعايىندالدى. قازىرگى ۋاقىتتا تەرگەۋ امالدارى جۇرگىزىلىپ جاتىر. تەرگەۋدىڭ ناتيجەلەرى بويىنشا پروتسەسسۋالدىق شەشىم قابىلدانادى.

اۆتور

اقەركە داۋرەنبەك قىزى