موبيلدى تەلەفوننىڭ شىعۋ تاريحى

None
None
نۇر- سۇلتان. قازاقپارات - 1875- جىلى 12- ماۋسىمدا بوستون ۋنيۆەرسيتەتىنىڭ شەشەندىك ونەر مەكتەبىنىڭ پروفەسسورى گرەحەم بەلل ەڭ العاش رەت بايلانىستىرۋشى سىمداردىڭ كومەگىمەن ءوز كومەكشىسىنىڭ داۋسىن ەستيدى.

ونەرتاپقىش شوتلاندتىقتىڭ بۇل جاڭالىعى تەلەفون دەگەن اتپەن تاريحتا قالادى.

ءبىر قىزىعى ونەرتاپقىشتىڭ ەسىمى اعىلشىن تىلىنەن اۋدارعاندا «قوڭىراۋ» دەگەن ماعانانى بىلدىرەدى. ارادا ءبىر عاسىرعا جۋىق ۋاقىت وتكەندە ەڭ العاشقى ۇيالى تەلەفوندار پايدا بولدى. يللينويس تەحنولوگيالىق ۋنيۆەرسيتەتىنىڭ تۇلەگى مارتەن كۋپەردىڭ ونەرتاپقىشتىق بۇل جاڭالىعىن قازىرگى الەم حالقىنىڭ جارتسىنا جۋىعى كۇندەلىكتى قولدانىپ وتىر.

ۇيالى تەلەفونمەن جاسالعان العاشقى ناعىز بايلانىستىڭ تاريحى 1973 -جىلدىڭ 3 -ساۋىرىنەن باستالدى. سول ۋاقىتتارى نيۋ-يورك الەمدەگى ۇيالى بايلانىستىڭ بازالىق ستانسيالارى ورناتىلعان الەمدەگى جالعىز نۇكتە بولدى، ءتورت جىلدان سوڭ چيكاگودا 2000 ابونەنتتىك تاجىريبەلىلىك ۇيالى جەلى قۇرىلدى.

ال 1979 -جىلى بۇل ونەرتاپقىشتىققا كۇنشىعىس ەلى زور قىزىعۋشىلىق ءبىلدىرىپ 88، بازالىق ستانسيادان تۇراتىن العاشقى ۇيالى بايلانىستىڭ قىزمەتىن باستادى. قازىر الەمدە ۇيالى تەلەفونداردىڭ قولدانىس اياسى ءوزىنىڭ بايلانىس ورناتۋ شەگىنەن اسىپ كەتتى. تەلەفوندار ءومىردىڭ بارلىق سالاسىندا قولدانىلۋدا.

دەرەككوزى: yvision.kz


سوڭعى جاڭالىقتار