عالامتوردا ءسىز تۋرالى قانداي اقپارات بار؟

None
None
نۇر- سۇلتان. قازاقپارات - عالامتورعا ءوزىڭىز تۋرالى بالەندەي اقپارات جازباساڭىز دا، ءسىز تۋرالى اجەپتاۋىر مالىمەت تابۋعا بولادى.

بۇعان ءسىزدىڭ سمارتفونىڭىزداعى قوسىمشالار سەبەپ. تەلەفونىڭىزدا قوسمىشالار قانشالىقتى كوپ بولسا ءسىز تۋرالى عالامتورعا تارايتىن اقپارات تا سوعۇرلىم كوپ. ءسىز تۋرالى اقپارات ىزدەگەن ادام عالامتور ارقىلى وزىنە كەرەكتى ءبىراز مالىمەتكە قانىعادى.

ماسەلەن جاي عانا «گۋگلعا» كىرسەڭىز ءسىزدىڭ تۇرعان جەرىڭىز، قانداي گادجەتتەن كىرىپ وتىرعانىڭىز، نەنى ىزدەپ وتىرعانىڭىز، نەمەن جۇمىس جاساپ وتىرعانىڭىز، باسقا ادامدارعا نە جازىپ وتىرعانىڭىز، قاي تىلدە جازىپ وتىرعانىڭىز، قانداي مۋزىكانى جاقسى كورەتىنىڭىز، شەتەلدە قانشالىقتى ءجيى بولاتىنىڭىز تۋرالى اقپارات وزدىگىنەن پايدا بولادى.

الەۋمەتتىك جەلىلەردە سۋرەتتەرگە «لايك» قويعان سايىن جارناما كومپانيالارىنا ءوزىڭىزدىڭ قانداي پاراقشالاردى ۇناتاتىنىڭىز، نەنى ۇناتاتىنىڭىز تۋرالى اقپارات بەرەسىز. مۇنىڭ ءبارى كورىنەتىن جانە كورىنبەيتىن ترەكەرلەردىڭ كومەگىمەن باقىلانادى. ول ءۇشىن ترەكەرلەردىڭ ءسىزدى اڭدۋىنا تىيىم سالاتىن ارنايى قوسىمشالاردى جۇكتەپ الۋعا بولادى.

سمارتفونىڭىزداعى wi-fi مەن Bluetooth ارقىلى كەز كەلگەن ادام ءسىزدىڭ قايدا ەكەنىڭىزدى، قايدا تۇراتىنىڭىزدى، قاي جەردە جۇمىس ىستەيتىنىڭىزدى ءاپ-ساتتە انىقتاي الادى.

ەگەر تەلەفونىڭىزداعى قوسىمشالار سانى 40-تان اسسا ءسىز تۋرالى عالامتوردا وتە كوپ اقپارات بار دەگەن ءسوز.

دەرەككوز: http://www.bbc.com/russian


سوڭعى جاڭالىقتار