شىعىس قازاقستان وبلىسىندا جوعالىپ كەتكەن بالا ءالى تابىلمادى
15 تامىز 11:43

شىعىس قازاقستان وبلىسىندا جوعالىپ كەتكەن بالا ءالى تابىلمادى

نۇر- سۇلتان. قازاقپارات - شىعىس قازاقستان وبلىسىندا جوعالىپ كەتكەن 12 جاسار تەمىرلان احمەدجانوۆ ءالى تابىلمادى.

ىزدەستىرۋ جۇمىستارى ءتۇنى بويى جۇرگىزىلدى، دەپ حابارلايدى قازاقپارات ىشكى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ.

«قازىرگى ۋاقىتتا دا ىزدەۋ جۇمىستارى جالعاسىپ جاتىر. جەدەل شتاب قۇرىلدى. وعان نەمقۇرايلى ەمەس ازاماتتار قاجەتتى اقپارات الۋ جانە ىزدەستىرۋ ءىس- شارالارىنا قاتىسۋ ءۇشىن جۇگىنە الادى»، - دەلىنگەن رەسمي حابارلامادا.

ەسكە سالساق، وسكەمەن قالاسىندا 12 جاسار بالا تۇندە ۇيدەن شىعىپ كەتكەن. ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، «102» جەدەل ارناسىنا حابارلاسقان ازامات 14 - تامىزدا ساعات 2:30 شاماسىندا ۇيدەن بەلگىسىز باعىتتا شىعىپ كەتكەن بالاسىنىڭ تابىلماي جاتقانىن ايتتى. تەمىرلان احمەدجانوۆ اۋتيزممەن اۋىرادى. بالانىڭ ۇستىندە كوك جەمپىر، كامۋفلياجدى شالبار بولعان. جاسىل ءتۇستى اياق كيىم كيگەن.

رەداكتور

گۇلنۇر قالدىبايەۆا


جاڭالىقتار