اقتوبەدە جەڭىل جانە جۇك كولىگى سوقتىعىسىپ، ءتورت ادام كوز جۇمدى
پوكروۆكا - جاڭاجول اۆتوجولىنىڭ 75 شاقىرىمىندا ورىن العان جول اپاتى سالدارىنان ءتورت ادام مەرت بولدى.
«تەمىر قالاسىنان كەڭقياق اۋىلى باعىتىندا كەلە جاتقان ۆاز-2113 اۆتوكولىگىنىڭ 26 جاستاعى جۇرگىزۋشىسى قارسى قوزعالىسقا ارنالعان جولاققا شىعىپ كەتىپ، مۇعالجار اۋدانىنىڭ 50 جاستاعى تۇرعىنىنىڭ باسقارۋىنداعى كاماز كولىگىمەن سوقتىعىسقان. جول- كولىك وقيعاسى سالدارىنان ۆاز-2113 اۆتوكولىگىنىڭ جۇرگىزۋشىسى مەن ءۇش جولاۋشىسى العان جاراقاتتارىنان وقيعا ورنىندا كوز جۇمدى. سونىمەن قاتار جەڭىل اۆتوكولىكتىڭ تاعى ءبىر جولاۋشىسى كەڭقياق اۋىلىنىڭ اۋرۋحاناسىنا جاتقىزىلدى. اتالعان فاكتى بويىنشا ق ر ق ك- ءنىڭ 345-بابى 4-بولىگى بويىنشا سوتقا دەيىنگى تەرگەۋ باستالدى»، - دەپ حابارلادى وبلىستىق پ د باسپا ءسوز قىزمەتى.
ەسكە سالساق، سامارا- شىمكەنت تاسجولىندا جانتۇرشىگەرلىك جول اپاتى بولىپ، وندا التى ادام كوز جۇمعان بولاتىن. ول كەزدە «حوندا- فيت» ماركالى اۆتوكولىگىنىڭ 32 جاستاعى جۇرگىزۋشىسى جولدا قارسى بەتكە شىققان. رۋلدە قىرعىزستان رەسپۋبليكاسىنىڭ ازاماتى بولدى. سالدارىنان ىرعىز اۋدانىنىڭ 33 جاستاعى تۇرعىنى باسقارىپ كەلە جاتقان «لادا- لارگۋس» ماركالى اۆتوكولىگىمەن سوقتىعىسقان. جول- كولىك وقيعاسى سالدارىنان «لادا- لارگۋس» ماركالى اۆتوكولىگىنىڭ جۇرگىزۋشىسى مەن 4 جولاۋشى وقيعا ورنىندا كوز جۇمدى. سونىمەن قاتار، «حوندا- فيت» اۆتوكولىگىنىڭ جولاۋشىسى مەرت بولدى. «حوندا- فيت» اۆتوكولىگىنىڭ جۇرگىزۋشىسى 30 جاستاعى جولاۋشىمەن بىرگە ءتۇرلى جاراقاتپەن ىرعىز اۋداندىق اۋرۋحاناسىنا جاتقىزىلدى .