اننا دانيلينا ا ق ش- تاعى تۋرنيردىڭ چەمپيونى اتاندى

نۇر- سۇلتان. قازاقپارات - قازاقستاندىق اننا دانيلينا جۇپتىق سىندا ا ق ش- تاعى لانديسۆيللە (پەنسيلۆانيا) ITF W100 تۋرنيرىنىڭ چەمپيونى اتاندى، دەپ حابارلايدى قازاقپارات ءتىلشىسى.

قازاقستان تەننيس فەدەراتسياسىنان ءمالىم ەتكەندەي، جارىستىڭ ءبىرىنشى راكەتكالارى بولىپ تىركەلگەن ا. دانيلينا امەريكالىق سوفي چانگپەن بىرگە فينالعا قينالماي جەتتى.

سوڭعى باسەكەدە قازاقستاندىق- امەريكالىق جۇپ وڭتۇستىككورەيالىقتار حان- نا لي - دجان- سۋ يونگپەن باس جۇلدەنى ساراپقا سالدى.

دانيلينا مەن چانگ قارسىلاستارىن 2:6، 7:6 (7:4)، 11:9 ەسەبىمەن ۇتتى.

وسىلايشا، ا. دانيلينا حالىقارالىق تەننيس فەدەراتسياسى (ITF) وتكىزگەن تۋرنيرلەردە 26-تيتۋلىنا قول جەتكىزدى. سونىمەن قاتار، WTA جارىستارىندا ءۇش رەت (2021 -جىلى - Poland WTA-250 جانە 2022 -جىلى - Sydney WTA-500, Warsaw WTA-250) جەڭىمپاز اتانعان بولاتىن.

ەسكە سالا كەتەيىك، بۇدان بۇرىن قازاقستاندىق جاس تەننيسشىلەردىڭ حالىقارالىق جارىستاردىڭ چەمپيونى اتانعانىن جازعان ەدىك.