07:13, 15 - تامىز 2022 | GMT +6
ەريەۆانداعى ساۋدا ورتالىعىندا جارىلىس بولدى
ەرەۆان. قازاقپارات - ارمەنيا استاناسى ەريەۆانداعى «سۋرمالۋ» ساۋدا ورتالىعىندا جارىلىس بولدى.
توتەنشە جاعدايلار مينيسترلىگىنىڭ حابارلاۋىنشا، وقيعا سالدارىنان زارداپ شەككەندەر بار، دەپ حابارلايدى «قازاقپارات» ح ا ا مەنشىكتى ءتىلشىسى.
تۇسكە تامان ەريەۆاننىڭ ورتالىعىنداعى «سۋرمالۋ» كوتەرمە- بولشەك ساۋدا ورتالىعىندا جارىلىس بولىپ ارتىنان ءورت شىقتى.
ارمەنيانىڭ توتەنشە جاعدايلار مينيسترلىگى وقيعا ورنىنا 10 ءورت ءسوندىرۋ توبى كەتكەنىن حابارلادى.
«الدىن الا مالىمەتتەر بويىنشا، جارىلىس بولىپ، ارتى ورتكە اينالدى. زارداپ شەككەندەر بار. ءورتتىڭ كۇردەلىلىگى ءۇشىنشى دەڭگەيدە»، - دەلىنگەن ارمەنيانىڭ توتەنشە جاعدايلار مينيسترلىگىنىڭ حابارلاماسىندا.
جەرگىلىكتى ب ا ق- تىڭ حابارلاۋىنشا، جارىلىستىڭ سالدارىنان ساۋدا ورتالىعى جانىنداعى عيمارات قۇلادى. ول پيروتەحنيكالىق دۇكەن عيماراتى بولۋى مۇمكىن دەگەن بولجام بار.