نۇر- سۇلتاندا جول تالعامايتىن كولىك اۋدارىلىپ قالدى

نۇر- سۇلتان. قازاقپارات - نۇر- سۇلتاندا جول- كولىك وقيعاسى سالدارىنان كولىك اۋدارىلىپ قالدى، - دەپ حابارلايدى قازاقپارات Polisia.kz. سايتىنا سىلتەمە جاساپ.

14-تامىزدا ساعات 02:30 شاماسىندا تۇران داڭعىلىمەن كەلە جاتقان Toyota Avensis اۆتوكولىگىنىڭ جۇرگىزۋشىسى ارتقى جۇرىسپەن Toyota Land Cruiser 150 اۆتوكولىگىمەن سوقتىعىسقان. سوڭعىسى ءرۋلدى باسقارا الماي، اۋدارىلىپ قالعان. سوققىدان ينەرتسيا ارقىلى Toyota Land Cruiser 150 اۆتوكولىگى Nissan Europe اۆتوكولىگىنە سوعىلعان.

جول- كولىك وقيعاسى سالدارىنان جول تالعامايتىن كولىكتىڭ 21 جاستاعى جۇرگىزۋشىسى دەنە جاراقاتىن الىپ، مەديتسينالىق كومەك كورسەتىلگەننەن كەيىن ۇيىنە جىبەرىلدى. اتالعان فاكتى بويىنشا انىقتاۋ جۇرگىزىلۋدە.