يسلام ىنتىماقتاستىق ويىندارى: قازاقستاندىق سۋعا ءجۇزۋشى التىن مەدال جەڭىپ الدى
14 تامىز 08:39

يسلام ىنتىماقتاستىق ويىندارى: قازاقستاندىق سۋعا ءجۇزۋشى التىن مەدال جەڭىپ الدى

نۇر- سۇلتان. قازاقپارات - قازاقستاندىق سپورتشى ادەلايدا پچەلينتسيەۆا 50 مەترگە براسس تاسىلىمەن ءجۇزۋ جارىسىندا توپ جارىپ، يسلام ىنتىماقتاستىق ويىندارىنىڭ التىن مەدالىن جەڭىپ الدى.

سونداي- اق، وسى جارىستىڭ رەكوردىن جاڭارتتى، دەپ حابارلايدى قازاقپارات سپورت جانە دەنە شىنىقتىرۋ ىستەرى كوميتەتى جانىنداعى سپورتتى دامىتۋ ديرەكسياسىنىڭ باسپا ءسوز قىزمەتىنە سىلتەمە جاساپ.

«ەل قورجىنىندا 13-التىن مەدال جانە يسلام ىنتىماقتاستىق ويىندارىنىڭ رەكوردى!

فينالدا ادەلايدا پچەلينتسيەۆا براسس تاسىلىمەن جۇزۋدە 50 م قاشىقتىقتى 31.71 سەكۋند ۋاقىتتا باعىندىرىپ يسلام ويىندارىنىڭ رەكوردىن جاڭارتتى.

وتانداسىمىز ءوزىنىڭ شەبەرلىك دەڭگەيىن كورسەتىپ، قارسىلاس شاق كەلتىرمەدى. تۇركيا ەلىنىڭ سپورتشىلارى گيۋنەش پەن سامانچيدى كۇمىس جانە قولا مەدال الدى، ال جەرلەسىمىز التىن مەدالدى ولجالادى» دەلىنگەن حابارلامادا.

جاڭالىقتار