يسلاميادادا قازاقستاندىق اۋىر اتلەت الەكسەي چۋركين كۇمىس مەدال الدى
14 تامىز 09:42

يسلاميادادا قازاقستاندىق اۋىر اتلەت الەكسەي چۋركين كۇمىس مەدال الدى

نۇر- سۇلتان. قازاقپارات - تۇركيانىڭ كونيا قالاسىندا ءوتىپ جاتقان يسلام ىنتىماقتاستىعى ويىندارىندا قازاقستاندىق اۋىر اتلەت الەكسەي چۋركين كۇمىس مەدال الدى، دەپ حابارلايدى قازاقپارات ءتىلشىسى.

ول 73 كەلى سالماقتا سىنعا ءتۇستى. قوسسايىس قورىتىندىسى بويىنشا 315 (145+170) كەلىنى باعىندىردى.

ەسكە سالساق، بۇعان دەيىن ەل قۇراماسىنان زۋلفيا چينشانلو التىن السا، وتەپبەرگەن اليەۆ قولا جۇلدەگەر اتاندى.

يسلام ىنتىماقتاستىعى ويىندارى 2005 -جىلدان بەرى تۇراقتى وتكىزىلىپ كەلەدى. بيىل بەسىنشى مارتە جالاۋىن جەلبىرەتتى.

بيىلعى دودادا 55 ەلدەن سپورتشىلار كەلدى. ويىندار 8-تامىزدا باستالدى. ول 18 -تامىزدا مارەسىنە جەتەدى.

ەسكە سالساق، بۇدان بۇرىن يسلام ىنتىماقتاستىعى ويىندارىندا قازاقستاندىق سۋعا ءجۇزۋشى ادەلايدا پچەلينتسيەۆا التىن مەدال جەڭىپ الدى.

جاڭالىقتار