ۆاكسيناتسيا كوروناۆيرۋستان كەيىنگى سيندرومنىڭ پايدا بولۋ قاۋپىن تومەندەتەدى - عالىمدار

نۇر- سۇلتان. قازاقپارات - نيدەرلاندى عالىمدارى The Lancet عىلىمي جۋرنالىندا پوستكوۆيدتى سيندروم تۋرالى زەرتتەۋلەردىڭ ءتىزىمىن جاريالادى، دەپ حابارلايدى قازاقپارات ق ر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسياسىنىڭ Telegram كانالىنا سىلتەمە جاساپ.

ولار ۆاكسيناتسيا اسقىنۋ بەلگىلەرىن جەڭىلدەتۋگە دە، ولاردىڭ پايدا بولۋىنان قورعاۋعا دا كومەكتەسەدى.

عالىمداردىڭ پىكىرىنشە، كوورناۆيرۋستان كەيىنگى سيندروم اۋىرعانعا دەيىن ۆاكسيناتسيالانعان ادامداردا از كەزدەسەدى. سونداي- اق، اۋرۋدان كەيىن ۆاكسيناتسيا سيمپتومداردىڭ اۋىرلىعىن جەڭىلدەتەدى دەپ ايتۋعا نەگىز بار.

بۇگىنگى كۇنى بۇل جاعدايدىڭ بەلگىلەرىن جەڭىلدەتەتىن باسقا دالەلدەنگەن قۇرالدار جوق.

سونىمەن قاتار، زەرتتەۋشىلەر وزدەرىنىڭ تۇسىنىكتەمەلەرىندە پوستكوۆيدتى سيندروم ءبىر ەمەس، بىرنەشە اۋرۋ بولۋى مۇمكىن، ولاردىڭ ءارقايسىسى كوروناۆيرۋستان تۋىنداعان زاقىمدانۋدىڭ سالدارى ەكەنىن اتاپ ءوتتى.

سونداي- اق، نيدەرلاندى عالىمدارىنىڭ پىكىرىنشە، وميكرون نۇسقاسىمەن اۋىرعانداردا كوروناۆيرۋستان كەيىنگى سيندروم سيرەك كەزدەسەدى.