ل ر ت ءىسى سوتقا جولداندى
«سۇلتانبەكوۆ پەن اردان شەتەلدە جاسىرىنىپ جۇرۋىنە بايلانىستى پروكۋراتۋرا ق پ ك- ءنىڭ 304-بابىنىڭ 2-بولىگىنە سايكەس ولارعا قاتىستى قىلمىستىق ءىس سوتقا جولداندى»، - دەلىنگەن پروكۋراتۋرانىڭ حابارلاماسىندا.
بۇعان دەيىن بەلگىلى بولعانداي، پروكۋراتۋرانىڭ جەدەل تەرگەۋ توبى نۇر- سۇلتان قالاسى اكىمىنىڭ بۇرىنعى ورىنباسارى ق. ت. سۇلتانبەكوۆكە، «استانا LRT» ج ش س باسقارما ءتوراعاسى بولعان ت. ن. اردانعا جانە باسقا دا تۇلعالارعا قاتىستى «استانا قالاسىنىڭ جاڭا كولىك جۇيەسى» LRT، BRT/ITS جوباسىن ىسكە اسىرۋعا بولىنگەن بيۋدجەت قاراجاتىن جىمقىرۋ فاكتىسى بويىنشا قىلمىستىق ءىستى تەرگەدى.
جالپى ەلورداداعى LRT پروبلەماسى مەملەكەت باسشىسى قاسىم- جومارت توقايەۆتىڭ تىكەلەي باقىلاۋىندا. قاڭتار ايىندا وتكەن ءماجىلىس وتىرىسىندا پرەزيدەنت ل ر ت قۇرىلىسى سىبايلاس جەمقورلىقتىڭ ءيىسى مۇڭكىپ تۇرعان جوبا دەگەن بولاتىن.
«كوپشىلىكتى، اسىرەسە ەلوردا تۇرعىندارىن اشۋلاندىراتىن تاعى ءبىر ماسەلە – ل ر ت قۇرىلىسى بولىپ وتىر. ول كادىمگى ينفراقۇرىلىمدىق جوبادان ەلدىڭ ابىروي- بەدەلىنە نۇقسان كەلتىرەتىن كۇردەلى پروبلەماعا اينالدى. قازىردىڭ وزىندە وراسان زور قاراجات جۇمسالدى، قارىزدار تارتىلدى، شەتەلدىك ارىپتەستەر الدىندا اۋقىمدى كەلىسىمشارتتىق مىندەتتەمەلەر قابىلداندى. بۇل جوبا باستاپقىدا- اق ۇلكەن قاتەلىك بولدى، ونى مويىنداۋ كەرەك. سونىمەن قاتار، بۇل سىبايلاس جەمقورلىقتىڭ ءيىسى مۇڭكىپ تۇرعان جوبا»، - دەدى ق. توقايەۆ.