قىتايدا اپتاپ ىستىقتىڭ سالدارىنان قاۋىپتىڭ ەڭ جوعارى دەڭگەيى جاريالاندى

بەيجىڭ. قازاقپارات - قىتاي مەملەكەتتىك مەتەورولوگيالىق ورتالىعى ق ح ر- دىڭ ءبىرقاتار ايماعىندا اپتاپ ىستىق سالدارىنان اۋا تەمپەراتۋراسى قاۋپىنىڭ ەڭ جوعارى قىزىل دەڭگەيى جاريالاندى، دەپ حابارلايدى قازاقپارات ءتىلشىسى.

سينوپتيكتەردىڭ بولجامىنشا، سەنبى، 13-تامىزدا ق ح ر- دىڭ 15 تەن استام پروۆينتسياسىندا اۆتونوميالىق اۋداندارى مەن ورتالىق باعىنىشتى قالالارىندا (شاڭحاي، چۋڭشيڭ قالالارى) اسا جوعارى اۋا تەمپەراتۋراسىنىڭ اسەرىنەن قاۋىپتىڭ قىزىل دەڭگەيى جاريالاندى.

ۆەدومستۆو شەنسي، سىچۋان، حۋبەي، حۋنان، شيانشي، انحوي، جياڭسۋ، جىجياڭ پروۆينتسيالارىندا، سونداي- اق شاڭحاي جانە چۋڭشيڭ سياقتى ءىرى مەگاپوليستەردە تەمپەراتۋرا 40 گرادۋستان اساتىنىن اتاپ ءوتتى.

وسى جازدا شاڭحايدا ەكسترەمالدى اۋا تەمپەراتۋراسى التى رەت 40 گرادۋستان جوعارى بولدى، بۇل - ءبىر جىلداعى تاريحي ماكسيمۋم كورسەتكىش.

اپتاپ ىستىق يانتسزى وزەنىنىڭ باسسەينىندە ءبىر ايدان استام ۋاقىتقا سوزىلادى. ول جەرگىلىكتى تۇرعىنداردىڭ فيزيكالىق جاي- كۇيىنە تەرىس اسەر ەتىپ قانا قويمايدى، سونىمەن قاتار قىتايدىڭ ورتالىق، وڭتۇستىك- باتىس جانە شىعىس ايماقتارىن قاتتى قۇرعاقشىلىققا اكەلەدى.

بەيسەنبىدەن باستاپ قىتاي بيلىگى ەلدىڭ ءبىرقاتار پروۆينتسياسىنداعى قۇرعاقشىلىققا بايلانىستى توتەنشە ارەكەت ەتۋ تەتىگىن ىسكە قوستى. ءوز كەزەگىندە قىتاي گيدرولوگتارى يانتسزى وزەنىندەگى سۋدىڭ تومەن دەڭگەيىن تىركەپ وتىر.