حالىقارالىق كاسپي كۇنى: تەڭىز يتبالىعىنىڭ جويىلۋ قاۋپى بار
اقتاۋدا ماڭعىستاۋ وبلىسىنىڭ اكىمى نۇرلان نوعايەۆتىڭ قاتىسۋىمەن «ماڭعىستاۋ وبلىسىنىڭ ەكولوگيالىق ماسەلەلەرى: تاجىريبە، پروبلەمالار جانە دامۋ پەرسپەكتيۆالارى» اتتى دوڭگەلەك ۇستەل ءوتتى. شارا عالىمداردىڭ، مەملەكەتتىك ورگانداردىڭ، ۇكىمەتتىك ەمەس قوعامدىق ۇيىمداردىڭ، مۇناي- گاز كومپانيالارى وكىلدەرىنىڭ باسىن قوستى.
«كوتەرىلەتىن ماسەلەلەردىڭ ءبىرى - كاسپي يتبالىعىنىڭ جويىلىپ كەتۋ قاۋپى. سوڭعى كەزدە وسى تۇرگە تيەسىلى جانۋارلاردىڭ سانى سوڭعى ۋاقىتتا ازايىپ كەلەدى. كاسپي يتبالىعى - كاسپي تەڭىزىنىڭ ەندەميگى. مەملەكەتتىك ورگاندار مەن ءىرى كورپوراتسيالاردان باستاپ كاسپي ماڭى ايماعىنىڭ تۇرعىندارىنا دەيىنگى بارلىق مۇددەلى تاراپتاردىڭ قولداۋىنا سەنەمىن. بۇل كۇردەلى ماسەلەنى ءبىز تەك كۇشىمىزدى بىرىكتىرۋ ارقىلى عانا شەشە الامىز»، - دەيدى «كاسپي يتبالىعىن زەرتتەۋ جانە وڭالتۋ ورتالىعىنىڭ» باسشىسى ادىلحان توۆاساروۆ.
ءىس- شارانى ۇيىمداستىرۋشىلاردىڭ ايتۋىنشا، ءوڭىردىڭ ەكولوگيالىق پروبلەمالارى كاسپييدىڭ بيولوگيالىق رەسۋرستارىنىڭ سارقىلۋىمەن، مۇنايدىڭ سالدارىنان لاستانۋ تاۋەكەلدەرىمەن بايلانىستى.
«ecoBatys» باستاماسى اياسىندا ماڭعىستاۋ وبلىسىنىڭ قوعامدىق بىرلەستىكتەرى «شەلل قازاقستان» كومپانياسىنىڭ جانە ازاماتتىق باستامالاردى قولداۋ ورتالىعىنىڭ قولداۋىمەن حالىقتىڭ ەكولوگيالىق ساۋاتتىلىعىن ارتتىرۋعا، ەكو- مادەنيەتىن قالىپتاستىرۋعا، كاسپي يتبالىعىن ساقتاۋعا باعىتتالعان 6 جوبانى جۇزەگە اسىرادى. مۇنداي الەۋمەتتىك جوبالار ۇ ە ۇ- عا قولداۋ كورسەتىپ قانا قويماي، وڭىردەگى ەكولوگيالىق پروبلەمالاردى شەشۋگە ەلەۋلى ۇلەس قوسادى»، - دەيدى ازاماتتىق باستامالاردى قولداۋ ورتالىعىنىڭ باسقارما ءتوراعاسى عالىم قۇرمان.
قوعام بەلسەندىلەرىنىڭ پىكىرىنشە، وڭىردەگى ەكولوگيالىق پروبلەمالاردى مەملەكەتتىك ورگانداردىڭ، ۇ ە ۇ- نىڭ، عالىمداردىڭ، ەرىكتىلەردىڭ بىرلەسكەن كۇشىمەن عانا شەشۋگە بولادى.