جاۋىنگەرلىك جاتتىعۋلارعا قاجەتتى اسكەري تەحنيكا تاسىمالدانادى - قورعانىس مينيسترلىگى
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات.
«جاۋىنگەرلىك دايىندىق جوسپارىنا سايكەس ماڭعىستاۋ وبلىسىندا قازاقستان قارۋلى كۇشتەرى قۇرلىق اسكەرلەرى ارتيللەريستەرىنىڭ لاگەرلىك جيىنى وتەدى. جيىن وتەتىن ورىندا وقۋ-جاۋىنگەرلىك تاپسىرمالاردى ورىنداۋ ءۇشىن اسكەري تەحنيكا اقتوبە بەكەتىنەن ماڭعىستاۋ بەكەتىنە دەيىن تەمىرجول كولىگىمەن تاسىمالدانادى.
سونداي-اق، اسكەري تەحنيكانىڭ قوزعالىسى 15- تامىزدا دا ىسكە اسىرىلادى. الماتى، شىمكەنت، قونايەۆ، تاراز، تالدىقورعان، سارىوزەك جانە قۇلاندىداعى اسكەري بولىمدەر ورنالاسقان جەرلەردەن اسكەري تەحنيكا لەكتەرى جاۋىنگەرلىك دايىندىق بويىنشا ساباقتار وتكىزىلەتىن جامبىل وبلىسى گۆاردەيسك كەنتىندەگى «ءماتىبۇلاق» پوليگونىنا قاراي قوزعالادى.
اسكەري تەحنيكا لەكتەرىنىڭ ءجۇرۋ باعىتتارى مەن ۋاقىتى جەرگىلىكتى اتقارۋشى ورگاندارمەن كەلىسىلگەن»، - دەپ ەسكەرتىلگەن ۆەدومستۆونىڭ اقپاراتتىق مالىمدەمەسىندە.