اقمولا وبلىسىندا «مەريديان» حالىقارالىق ارميا ويىندارى باستالدى
ونىڭ ناتيجەلەرى بويىنشا كوماندالار مىناداي تارتىپپەن ونەر كورسەتەدى: ۆەتنام، وزبەكستان، قىتاي، بەلارۋس، رەسەي، ارمەنيا جانە قازاقستان.
ۆەنەسۋەلا بۇل سايىستىڭ باقىلاۋشىسى.
ودان وزگە مانداتتىق كوميسسيانىڭ وتىرىسى ءوتتى. كونكۋرسقا قاتىسۋشى ەلدەر تانىستىرىلىپ، قاۋىپسىزدىك ەرەجەلەرى بويىنشا نۇسقاۋلىق وتكىزىلدى.
- اسكەري توپوگرافتاردىڭ جارىسى ەلىمىزدىڭ اۋماعىندا العاش رەت وتەدى. الاسا تاۋلاردىڭ، ۇساق شوقىلار مەن جازىق جەرلەردىڭ بولۋى مۇنداي سايىستى ۇيىمداستىرۋعا تاماشا مۇمكىندىك. ءبىز جارىسقا دايىنبىز. جەرەبە تاستالدى. ەندى ارميا حالىقارالىق ويىندارى رەسمي تۇردە اشىلعاننان كەيىن توپوگەودەزيالىق ەسەپتوپتاردىڭ جارىستارى دا باستالادى، - دەدى قازاقستان قارۋلى كۇشتەرى باس شتابىنىڭ گەواقپاراتتىق قامتاماسىز ەتۋ دەپارتامەنتىنىڭ باستىعى پولكوۆنيك سەرىك جولدىبايەۆ.
بۇل سايىس ءۇش كەزەڭنەن تۇرادى: «اتىس شەبى»، «ازيمۋت» جانە «توپوگرافيالىق كۆادراتلون».
اتىس جارىسىنىڭ جەڭىمپازى جيناعان ۇپاي سانىنا قاراي انىقتالادى. ەكىنشى كەزەڭدە توپوگرافتاردى دايىنداۋ دەڭگەيى ارنايى تاپسىرمالاردى ورىنداۋ جىلدامدىعى مەن بەرىلگەن باعىت بويىنشا بارلىق باقىلاۋ نۇكتەلەرىنەن وتكەنىن تىركەۋ ارقىلى باعالانادى.
جارىستى توپوگرافيالىق كۆادراتلون كەزەڭى اياقتايدى. اسكەري قىزمەتشىلەرگە ءبىرقاتار ارنايى تاپسىرمالاردى ورىنداۋ قاجەت.
ولاردىڭ ىشىندە اسپالى پوليگونومەتريالىق ءجۇرىس، ءتۇرلى كەدەرگىلەردى ەڭسەرۋ جانە ارنايى قۇرالداردىڭ كومەگىمەن وبەكتىلەردىڭ گەوگرافيالىق كوورديناتتارىن انىقتاۋ بار ەكەنىن اتاپ وتكەن ءجون.