الماتىدا كولىك ءنومىرى مەن ادامنىڭ بەت-الپەتىن انىق كورسەتەتىن كامەرالار ورناتىلادى
12 تامىز 20:56

الماتىدا كولىك ءنومىرى مەن ادامنىڭ بەت-الپەتىن انىق كورسەتەتىن كامەرالار ورناتىلادى

الماتى. قازاقپارات - الماتى اكىمدىگى مەنشىك يەلەرىنىڭ كەلىسىمىمەن ادام كوپ جينالاتىن ورىندارعا بەينەكامەرالار ورناتۋ جانە بەينەباقىلاۋ مونيتورينگىن جۇرگىزۋ ەرەجەلەرىن ازىرلەدى، دەپ حابارلايدى قازاقپارات ءتىلشىسى.

اشىق ن ق ا سايتىنداعى قۇجاتتا كورسەتىلگەندەي، جوبا ۆيدەوساراپتاما جۇمىسىن جەتىلدىرۋدى كوزدەيدى. ەندى كولىكتەردىڭ مەملەكەتتىك تىركەۋ نومىرلىك بەلگىلەرى مەن ادامداردىڭ بەت-الپەتىن انىق كورۋ مۇمكىن بولماق.

ءبىرىڭعاي ۆيدەومونيتورينگ جۇيەسىنە ادام كوپ شوعىرلاناتىن ءارتۇرلى وبەكتىلەردە ورناتىلاتىن، سونىمەن بىرگە مەنشىك يەلەرىنىڭ كەلىسىمىمەن كوممەرتسيالىق ۇيىمداردىڭ قولدانىسىنداعى بەينەباقىلاۋ جۇيەلەرىن بىرىكتىرۋ قاراستىرىلادى.

«الماتى قالاسىنىڭ ءبىرىڭعاي ۆيدەومونيتورينگ جۇيەسى - قالا بويىنشا بەينەكەسكىندەردى جيناۋ، وڭدەۋ مەن ساقتاۋدى جۇزەگە اسىراتىن باعدارلامالىق جانە تەحنيكالىق قۇرالداردىڭ جيىنتىعى. ۇلتتىق قاۋىپسىزدىك پەن قوعامدىق ءتارتىپتى قامتاماسىز ەتۋدەگى ۆيدەومونيتورينگ ۇلتتىق جۇيەسىنىڭ وڭىرلىك بولىگى. ول قالا ماسەلەلەرىن شەشۋدە ۆيدەوساراپتاما قالىپتاستىرۋ فۋنكتسيالارىن اتقارادى»، - دەلىنگەن قۇجاتتا.

قۇجات اشىق ن ق ا ۆ ە ب- سايتىندا 19- تامىزعا دەيىن تالقىلانادى.

جاڭالىقتار