ەلباسى ت م د- نىڭ ءبىرقاتار ەلدەرى دىنباسىلارىمەن - يسلام ءدىن وكىلدەرىمەن كەزدەستى
وزبەكستان مۇسىلماندارى ءدىني باسقارماسىنىڭ ءتوراعاسى نۇريددين حاليكنازاروۆپەن، قىرعىزستان مۇسىلماندارى ءدىني باسقارماسىنىڭ ءتوراعاسى زامير راكيەۆپەن، رەسەي فەدەراتسياسى مۇسىلماندارى ءدىني باسقارماسى ءتوراعاسىنىڭ ءبىرىنشى ورىنباسارى دامير مۋحەتدينوۆپەن وتكەن كەزدەسۋ بارىسىندا قازاقستاننىڭ تۇڭعىش پرەزيدەنتى ولارعا استاناداعى جاڭا مەشىتتىڭ اشىلۋى راسىمىنە قاتىسۋعا ۋاقىت ءبولىپ، ارنايى كەلگەندەرى ءۇشىن ريزاشىلىق ءبىلدىرىپ، العىسىن ايتتى.
نۇرسۇلتان نازاربايەۆ ءدىننىڭ قازاقستان حالقى ومىرىندە ايرىقشا ورىن الاتىنىن اتاپ ءوتىپ، ەلىمىزدە كونفەسسيالار اراسىنداعى ديالوگ ماسەلەسىنە ۇدايى باسا كوڭىل اۋدارىلىپ كەلە جاتقانىن جەتكىزدى. قازاقستاننىڭ تۇڭعىش پرەزيدەنتى جاڭا مەشىتتىڭ يسلامداعى تاتۋلىق پەن تولەرانتتىلىق يدەياسىنىڭ مىزعىماس ءمانىن ايشىقتاپ تۇرعانىن، ونىڭ ەسىگى بارلىق ءدىن مەن ۇلتتىڭ وكىلدەرى ءۇشىن ءاردايىم اشىق بولاتىنىنا توقتالىپ ءوتتى.
ءوز كەزەگىندە قوناقتار دا قازاقستاننىڭ استاناسىنا دەگەن سۇيسىنىستەرىن جاسىرماي، جاڭا مەشىت رۋحاني ورتالىق قانا ەمەس، قالانىڭ اسا كورنەكتى ورنىنىڭ تاعى بىرىنە اينالاتىنى جونىندە پىكىر ءبىلدىردى.