17:28, 12 - تامىز 2022 | GMT +6
جولاۋشىلار تاسىمالى باسشىلارى «تۇلپار- تالگو» پويىزدارىنىڭ باسشىلارىنان سىياقى الىپ وتىرعان
نۇر- سۇلتان. قازاقپارات – ق ر قارجىلىق مونيتورينگ اگەنتتىگىنىڭ ەلوردالىق دەپارتامەنتى «ەكسپرەسس» فيليالىنىڭ «جولاۋشىلار تاسىمالى» اكسيونەرلىك قوعامىنىڭ نۇر- سۇلتان قالاسى بويىنشا ۋچاسكەسىنىڭ باستىعى مەن ونىڭ ورىنباسارىنىڭ «تۇلپار- تالگو» پويىزدارىنىڭ باسشىلارىنان جۇيەلى تۇردە اقشالاي سىياقى الۋ فاكتىلەرىن انىقتادى.
بۇل تۋرالى قازاقپارات ق ر قارجىلىق مونيتورينگ اگەنتتىگىنىڭ باسپا ءسوز قىزمەتىنە سىلتەمە جاساپ حابارلايدى.
«ەكسپرەسس» فيليالىنىڭ «جولاۋشىلار تاسىمالى» اكسيونەرلىك قوعامىنىڭ ەلوردالىق ۋچاسكەسىنىڭ باسشىسى مەن ونىڭ ورىنباسارى تەكسەرۋ جۇرگىزبەگەنى ءۇشىن ءار رەيستەن زاڭسىز اقشا تالاپ ەتىپ، الىپ وتىرعان. بارلىعى 27 ەپيزود انىقتالدى.
كىنالىلەر كوممەرتسيالىق ۇيىمداردا باسشىلىق قىزمەت اتقارۋ قۇقىعىنان ايىرا وتىرىپ، 6 ميلليون تەڭگەگە جۋىق ايىپپۇل تولەۋى ءتيىس.
«قازىرگى ۋاقىتتا اتالعان ۇيىمعا قىلمىستىق قۇقىق بۇزۋشىلىق جاساۋعا ىقپال ەتكەن ءمان- جايلاردى جويۋ تۋرالى ۇسىنىس ەنگىزىلدى»، - دەلىنگەن حابارلامادا.
رەداكتور
ايدار وسپاناليەۆ