تۋريزمدى قالپىنا كەلتىرۋدە ەۋروپا مەن امەريكا كوش باستاپ تۇر
12 تامىز 15:03

تۋريزمدى قالپىنا كەلتىرۋدە ەۋروپا مەن امەريكا كوش باستاپ تۇر

مادريد. قازاقپارات - كۇردەلى گەوساياسي جانە ەكونوميكالىق جاعدايدا دا ادامدار ساياحاتتاۋدان باس تارتپايدى. دۇنيەجۇزىلىك تۋريستىك ۇيىم (يۋنۆتو) پاندەمياعا بايلانىستى شەكتەۋلەر جويىلعاننان كەيىن سالانىڭ ايتارلىقتاي قالپىنا كەلگەنىن حابارلايدى.

بۇل تۋرالى قازاقپارات ب ۇ ۇ جاڭالىقتار ورتالىعىنا سىلتەمە جاساپ حابارلايدى.

2022 -جىلدىڭ العاشقى بەس ايىندا 250 ميلليون شەتەلدىك تۋريست حالىقارالىق شەكارانى كەسىپ ءوتتى. وتكەن جىلى وسى ارالىقتا نەبارى 77 ميلليون ادام شەتەلگە شىققان.

يۋنۆتو بايانداماسىندا سەكتور بىرتىندەپ قالپىنا كەلىپ، پاندەمياعا دەيىنگى دەڭگەيگە قايتا ورالىپ جاتقانى اتالدى. ۇستىمىزدەگى جىلدىڭ العاشقى بەس ايىندا الەمنىڭ بارلىق ايماقتارىنا كەلەتىن حالىقارالىق تۋريستەر سانىنىڭ كۇرت وسكەنى بايقالادى.

«تۋريزمدى قالپىنا كەلتىرۋ الەمنىڭ كوپتەگەن ەلدەرىندە، قيىندىقتارعا قاراماستان، قارقىن الۋدا»، - دەدى يۋنۆتو باس حاتشىسى زۋراب پولوليكاشۆيلي.

الايدا ول ەكونوميكالىق جانە گەوساياسي ماسەلەلەر ءالى دە تۋريزمنىڭ دامۋىنا اسەر ەتۋى مۇمكىن دەپ الاڭدايدى. ەۋروپا 2021 -جىلدىڭ العاشقى بەس ايىمەن سالىستىرعاندا ءتورت ەسە كوپ حالىقارالىق تۋريستەردى قابىلدادى، كورسەتكىش % 350- عا ءوستى.

بۇعان ايماقىشىلىك سۇرانىستىڭ كۇشتى بولۋى جانە ەلدەر سانىنىڭ ارتۋى بويىنشا ساياحاتقا بارلىق شەكتەۋلەردىڭ الىنىپ تاستالۋى ىقپال ەتتى.

امەريكاعا كەلۋشىلەر وتكەن جىلدىڭ سايكەس كەزەڭىمەن سالىستىرعاندا ەكى ەسە ءوستى. جالپى، ەكى ايماققا دا تۋريستەردىڭ كەلۋى 2019 -جىلعى دەڭگەيدەن سايكەسىنشە % 36 جانە % 40 تومەن.

تۋريستىك شىعىندار مەن تۋريستەردى قابىلداۋشى ەلدەردىڭ كىرىسى دە ارتىپ كەلەدى. فرانسيا، گەرمانيا، يتاليا جانە امەريكا قۇراما شتاتتارىنان كەلگەن تۋريستەردىڭ حالىقارالىق شىعىندارى پاندەمياعا دەيىن جۇمساعان قاراجاتتىڭ % 70 جانە % 85 قۇرايدى. ال ءۇندىستان، ساۋد ارابياسى جانە كاتاردان كەلگەن تۋريستەردىڭ شىعىنى 2019 -جىلدىڭ دەڭگەيىنەن اسىپ ءتۇستى.

مولدوۆا رەسپۋبليكاسى، سەربيا، سەيشەل ارالدارى، رۋمىنيا، سولتۇستىك ماكەدونيا، سەنت- ليۋسيا، بوسنيا جانە گەرتسەگوۆينا، البانيا، پاكىستان، سۋدان، تۇركيا، بانگلادەش، سالۆادور، مەكسيكا، حورۆاتيا جانە پورتۋگاليا سياقتى ەلدەردىڭ حالىقارالىق تۋريزمنەن تۇسەتىن كىرىسى پاندەمياعا دەيىنگى قالپىنا كەلدى.

فوتو: turvopros.com

اۆتور

سماعۇلوۆا ەركەجان


جاڭالىقتار