قىتايدىڭ يۋ قالاسىندا ءۇش كۇندىك كارانتين ەنگىزىلدى
12 تامىز 12:41

قىتايدىڭ يۋ قالاسىندا ءۇش كۇندىك كارانتين ەنگىزىلدى

بەيجىڭ. قازاقپارات - COVID-19-دىڭ جاپپاي تارالۋىنا بايلانىستى شاعىن كوتەرمە ساۋدانىڭ استاناسى اتانعان يۋ قالاسىندا (جىجياڭ پروۆينتسياسى) كوروناۆيرۋسكە قارسى شەكتەۋلەر ەنگىزىلدى، دەپ حابارلايدى قازاقپارات ءتىلشىسى.

جەرگىلىكتى بيلىكتىڭ مالىمەتىنشە، 11- تامىزدان باستاپ يۋ قالاسىنىڭ بارلىق تۇرعىندارى ءۇشىن ءۇش كۇندىك ءۇي كارانتينى ەنگىزىلگەن. ونەركاسىپتىك ءوندىرىس جابىق سيكل جاعدايىندا جالعاسۋى مۇمكىن، بۇل كاسىپورىنداردىڭ جۇمىسشىلارىنان جۇمىس ورنىندا قالۋىن تالاپ ەتەدى.

جەرگىلىكتى ب ا ق- تىڭ حابارلاۋىنشا، يۋ ونىمدەرى 210-نان استام ەل مەن ايماققا ەكسپورتتالادى. قازاقستانعا دا وسى «بازار قالادان» حالىق تۇتىناتىن تاۋارلار كوپتەپ كەلەدى. پاندەمياعا دەيىن جىل سايىن يۋ قالاسىنا 500 مىڭنان استام شەتەلدىك بيزنەسمەن تاۋار ساتىپ الۋ ءۇشىن كەلەتىن.

سونىمەن بىرگە بۇل ەلدەگى ەڭ ءىرى ساۋدا ورتالىقتارىنىڭ ءبىرىءۇرىمجى قالاسىندا دا ءبىرقاتار شەكتەۋ ورناتىلدى. سوڭعى ءبىر تاۋلىكتە قىتايدا 2 مىڭداي ناۋقاس انىقتالدى. ءبىرقاتارىندا اۋرۋ بەلگىلەرى بايقالمايدى. ناۋقاستاردىڭ ارتۋى حاينان شيپاجايىنداعى ىندەتتىڭ ءورشىپ كەتۋىنە بايلانىستى بولىپ وتىر. جالپى ۆيرۋس قىتايدىڭ جيىرما شاقتى وڭىرىنە تاراپ كەتتى.

گو يانحۋن، ق ح ر دەنساۋلىق ساقتاۋ سالاسىن باقىلاۋ كوميسسارى:

- حايناندا تاراعان ۆيرۋس ءتۇرىن ءبىراز ۋاقىت انىقتاي العان جوق. سالدارىنان ەپيداحۋال ۋشىعىپ، ۆيرۋس تەز تاراپ كەتتى. حاينانعا ىندەتپەن كۇرەسۋگە كومەككە ەلدىڭ 19 وڭىرىنەن 10 مىڭنان اسا مامان جىبەردىك.

فوتو: pixabay.com

اۆتور سماعۇلوۆا ەركەجان

جاڭالىقتار