عالىمدار كورۋ قابىلەتىن قالپىنا كەلتىرەتىن يمپلانت ويلاپ تاپتى
پيلوتتىق زەرتتەۋدە يمپلانت قاساڭ قابىعى زاقىمدالعان 20 ادامنىڭ كورۋ قابىلەتىن قالپىنا كەلتىردى، ولاردىڭ كوبى يمپلانت قويىلعانعا دەيىن سوقىر بولعان.
«ناتيجەلەر بۇل يمپلانتتى جاپپاي وندىرۋگە بولاتىنىن، پايدالانۋدىڭ بارلىق شارتىنا سايكەس كەلەتىنىن كورسەتتى. بۇل كورۋ پروبلەمالارى بار ادامدار ءۇشىن تاپتىرماس مۇمكىندىك»، - دەيدى اۆتور نيل لاگالي.
ادامنىڭ قاساڭ قابىعىنا بالاما جاساۋ ءۇشىن، زەرتتەۋشىلەر زەرتحانالىق شوشقا تەرىسىنەن الىنعان كوللاگەن مولەكۋلالارىن پايدالاندى. قولدانىلاتىن شوشقا تەرىسى تاماق ونەركاسىبىنىڭ قوسىمشا ءونىمى.
يمپلانتتى جاساۋ بارىسىندا زەرتتەۋشىلەر بوس كوللاگەن مولەكۋلالارىن تۇراقتاندىرىپ، كوزگە يمپلانتتاۋعا توتەپ بەرە الاتىن بەرىك جانە ءمولدىر ماتەريال قالىپتاستىردى.
دونوردىڭ ءمۇيىزدى قابىعىن ەكى اپتا ىشىندە پايدالانۋ قاجەت بولعانىمەن، بيوينجەنەرلىك كوزدىڭ قابىعىن ەكى جىلعا دەيىن ساقتاۋعا بولادى.