ەۋروپادا مايمىل شەشەگىن جۇقتىرعاندار سانى وسۋدە

بريۋسسەل. قازاقپارات - ەۋروپالىق وداقتىڭ كەيبىر ەلدەرىندە مايمىل شەشەگىن جۇقتىرعاندار سانى وسۋدە، دەپ حابارلايدى قازاقپارات ءتىلشىسى.

گەرمانيانىڭ روبەرت كوح ينستيتۋتىنىڭ مالىمەتى بويىنشا، 10-تامىزدا گەرمانيادا مايمىل شەشەگىن جۇقتىرعان 3025 ادام انىقتالدى. ساراپتاما ناتيجەسى بويىنشا باسىم كوپشىلىگى ەرلەر اراسىندا تىركەلگەن. سونداي- اق سەگىز ايەل، ەكى ءجاسوسپىرىم جانە ءتورت جاسار قىز اۋىرىپ قالدى، دەپ حابارلادى نەمىس ماماندارى.

سونىمەن بىرگە Deutsche Aidshilfe ا ي ت ۆ- مەن اۋىراتىن ناۋقاستارعا كومەك كورسەتۋ ۇيىمىنىڭ وكىلدەرى گەرمانيادا مايمىل شەشەگىنە قارسى ۆاكسينالاردىڭ شەكتەۋلى مولشەردە جەتكىزىلەتىنىن ايتتى.

بەلگيادا مايمىل شەشەگىن جۇقتىرعان العاشقى ايەلدەر تىركەدى. بەلگيانىڭ دەنساۋلىق ساقتاۋ مينيسترلىگىنىڭ مالىمەتىنشە، قازىر ەل تۇرعىندارىنا ۆاكتسينانىڭ 3 مىڭعا جۋىق دوزاسى عانا قولجەتىمدى. وسىعان بايلانىستى تاۋەكەل توبىنا جاتاتىن ادامدار فرانسيانىڭ ۆاكسيناسى جەتكىلىكتى كورشىلەس ايماقتارىنا بارادى.

ەۋروكوميسسيا وكىلى سەيسەنبىدە ۆاكسينانىڭ وندىرىستىك قۋاتى شەكتەۋلى ەكەنىن ايتتى.