قازاقستان ديپلوماتتارى تاعى ەكى مەملەكەتكە ۆيزاسىز بارا الادى

نۇر- سۇلتان. قازاقپارات - پاراگۆاي مەن بوليۆياعا جۇمىس بابىمەن باراتىن قازاقستان ديپلوماتتارى 3 ايعا ۆيزادان بوساتىلۋى مۇمكىن.

بۇل تۋرالى ق ر سىرتقى ىستەر ءمينيسترى مۇحتار تىلەۋبەردى قاۋلى ەتكەن قۇجات «اشىق» ن ق ا سايتىندا جاريالاندى، دەپ حابارلايدى قازاقپارات ءتىلشىسى.

«قازاقستان رەسپۋبليكاسىنىڭ ۇكىمەتى بوليۆيا كوپۇلتتى مەملەكەتىنىڭ جانە پاراگۆاي رەسپۋبليكاسىنىڭ ۇكىمەتتەرىمەن اراداعى ديپلوماتيالىق جانە قىزمەتتىك پاسپورتتار يەلەرىن ۆيزالىق تالاپتاردان بوساتۋ تۋرالى كەلىسىمگە كەلدى. ونىڭ ەرەجەلەرى دە ازىرلەندى. بۇل كەلىسىمدەر 5 جىل مەرزىمگە جاسالدى. وعان سايكەس، جارامدى جول ءجۇرۋ قۇجاتتارى بار قازاقستان رەسپۋبليكاسىنىڭ ديپلوماتتارى اتالعان ەلدەرگە بارعاندا ولاردان 90 كۇن ىشىندە ۆيزالىق تالاپتار سۇرالمايدى»، - دەپ كورسەتىلگەن قاۋلىدا.

قوسا كەتسەك، تاياۋدا ۆەنەسۋەلاعا باراتىن قازاقستاندىق ديپلوماتتار ۆيزا تالاپتارىنان بوساتىلۋى مۇمكىن ەكەنىن حابارلاعان بولاتىنبىز.